Different Similarities 2[12]

DISCLAIMER: This story is a work of fiction. Any resemblance to any person, place, or written works are purely coincidental. The author retains all rights to the work, and requests that in any use of this material that my rights are respected. Please do not copy or use this story in any manner without my permission.

The story contains male to male love and some male to male sex scenes. You've found this blog like the rest of the readers so the assumption is that material of this nature does not offend you. If it does, or it is illegal for you to view this content for whatever the reason, please leave the page or continue your blog walking or blog passing or whatever it is called.

Naramdaman ni Pat ang unti-unting pagbuka ng mga labi ni Kyle at ang paglalaro ng dila nito sa kaniyang ibabang labi, wala sa sariling ibinuka narin ni Pat ang kaniyang mga labi at hinayaan ang dila ni Kyle na laruin ang kaniyang dila, naramdaman narin ni Pat ang paghawak ng kamay ni Kyle sa kaniyang batok, tila ba lalo pang itinutulak ang kaniyang mukha sa mukha nito. Nagsisimula ng uminit ang kanilang halikan, wala na silang pakielam sa mga nangyayari sa kanilang paligid, walang ibang naririnig, naaamoy at nararamdaman kundi ang isa't isa.

Nang maramdaman na ni Pat ang paghiwalay ng kaniyang mga labi sa labi ni Kyle ay dahan dahan na niyang iminulat ang kaniyang mga mata---

---at naabutan niyang nakatalikod nang naglalakad palayo si Kyle. Wala ni isang salita ang nasabi bago ito umalis, hindi alam ni Pat kung ano ang nararamdaman nito matapos ang halikan na iyon, hindi niya nakita ang reaksyon ng mukha nito, hindi niya alam kung galit ba ito, naguguluhan o natuwa matapos ang kanilang halikan.

Muli, katulad nung huling gabi ng pagtira niya sa bahay na iyon ni Kyle ay hindi niya ulit alam ang dapat maramdaman at kung ano ang dapat isipin at gawin. Tila ang halikan na iyon ay katumbas ng paglangoy sa malawig na karagatan at talaga namang naubos ang lakas ng buong katawan ni Pat kaya't sumandal ito sa pader kung saan unang nakasandal si Kyle at padausdos siyang napaupo sa sahig. Sinapo ang kaniyang ulo at hinayaan ang sarili na lamunin ng pagkalito.

0000ooo0000

Umakayat si Pat matapos ang isang oras sa kwarto ni Liam. Naabutan niya itong nagda-drawing sa kaniyang sketchpad, pu-pungay-pungay at nakatabi parin kay Joey na labas dilang natutulog sa sahig. Napangiti siya pero agad nabura ang ngiti na iyon nang maisip niya na katulad noong gabing may nangyari sa kanila ni Kyle ay baka pagbawalan ulit siya ni Kyle na lumapit kay Liam.

Alam niyang walang basehan ang takot na ito pero wala rin namang naging basehan ang dahilan ni Kyle noon upang pagbawalan siya na lumapit kay Liam. Si Kyle ang may gusto na may mangyari sa kanila ni Pat noong gabing iyon dahil sa kalasingan at libog na dala nito at si Kyle din ang nagpasinaya ng halikan kanina sa kusina, pero hindi parin nun naiaalis ang pagiging over protective ni Kyle sa anak. Alam ni Pat na para kay Kyle ay problema ang pinagsaluhan nilang halik dahil hindi nila pare-pareho maipapaliwanag ito kay Liam.

Isang paraan lang ang naisip ni Pat para hindi na muling maranasan ang walang pusong pagtutulak sa kaniya palayo ni Kyle, katulad nuong araw matapos ang gabi ng may nangyari sa kanila. Tama na ang sakit na naranasan niya noon nung nawala si Eric at Jake sa kaniya at nung araw na pinandirian siya ni Kyle.

“Patwick, are you OK?” mahina at inaantok na tanong ni Liam na gumising naman sa malalim na pagiisip ni Pat. Nagplaster ito ng isang ngiti.

“I'm OK, buddy.” marahang sagot ni Pat sabay lapit kay Liam.

“Is daddy, OK?” tanong ulit ng bata sabay hikab, hindi alam ni Pat kung ano ang isasagot sa bata kaya naman agad niyang iniba ang usapan.

“Have you brushed your teeth yet?” tanong ni Pat tumango lang ang bata at iniyakap ang sarili kay Pat at inihilig ang ulo nito sa balikat ni Pat.

“Then why are you not sleeping yet?”

“Because nobody has come in to tuck me to bed yet.” mahinang sagot ng bata, palatandaan na nakakatulog na ito sa balikat ni Pat.

“OK, I'll tuck you to bed.” pagsang-ayon ni Pat at marahang tumango ang bata. Binuhat ni Pat ang bata papunta sa kama, napansin ito ni Joey at tumayo din ito mula sa sahig at ipinuwesto ang sarili sa kama at doon itinuloy ang pagtulog.

“Good night, Liam.” malungkot na sabi ni Pat.

“Don't be sad, Patwick. We'll see each other tomorrow, I promise. I'll just go to bed.” pahina ng pahina na bulalas ng bata atsaka nagpakawala ng isang malaking hikab at pagkatapos niyon ay tuluyan na itong nilamon ng pagtulog. Halos mapaiyak si Pat sa sinabi ng bata, alam niyang magtataka ito kinabukasan kapag hindi niya nakita si Pat pero walang ibang paraan na maisip si Pat upang maiwasan ang alam niyang sakit na nagiintay sa kaniya sa oras na magkaharap ulit sila ni Kyle.

Dahan-dahan na tumayo si Pat mula sa kama ni Liam. Saglit na nagtaas ng ulo si Joey at umingit nang makitang papaalis na si Pat. Marahil ay nararadaman nito ang pighati ni Pat. Itinapat ni Pat ang kaniyang hintuturo sa kaniyang bibig at sumenyas kay Joey na huwag maingay. Nagpakawala ito ng isang tahol na ikinaupo ni Liam mula sa kama, dumilat saglit at nang makita kung ano ang naging dahilan ng kaniyang paggising ay iniyakap niya ang sarili sa aso at hinila ito pahiga muli sa kama. Napangiti si Pat pero lalo ring nalungkot. Alam niyang mamimiss niya ang bata lalo na ang mga nakatatawang ugali nito.

Naglakad na si Pat pagawi ng hagdan ng bahay na iyon upang bumaba nang mapatapat siya sa kwarto ni Kyle. Malungkot niya itong tinignan saglit bago siya tuluyang bumaba ng hagdan at lumabas ng bahay.

1 week later

Abala si Pat sa pagtapos ng panibagong project nang biglang sumulpot ang kaniyang boss sa kaniyang tagiliran, kahit pa alam ni Pat kung bakit iyon nandun ay nagkunwari lang siya na hindi niya ito napapansin.

“You don't have to finish that, Pat. It's friday, we should be partying in some random bar right now.” excited na sabi ng kaniyang boss. Umiling na lang si Pat at matipid na ngumiti dito.

“Hindi na po kasi ako pala-party ngayon. I think I out grew it, nagsawa nung college.” humahagikgik na sabi ni Pat atsaka nagtuloy sa pagguhit ng panibagong disenyo.

“Sige, ikaw bahala. Pero kung nagbago ang isip mo puntahan mo lang kami sa bar na'to.” sabi ulit ng boss niya sabay abot sa kaniya ng isang flyer. Unti-unti nang naubos ang mga tao sa opisina ni Pat at wala lang ito sa kaniya. Gusto niyang pag-butihin ang kaniyang trabaho para makalipat na siya sa sarili niyang lugar.

Hirap na hirap siya sa pag-iwas kay Liam at hirap na hirap din siyang tiisin ito pero ginagawa niya ito at pinipilit ang sarili para narin sa kapakanan nito at ni Kyle at pati narin para makaiwas siya sa mga maaaring masasakit na salita na sasabihin sa kaniya ni Kyle patungkol sa halik na nangyari sa pagitan nila may isang linggo na ang nakaraan.

0000ooo0000

Nang umuwi si Pat ay mabilis nitong ipinarada sa garahe ang kaniyang kotse at mabilis ding pumasok ng bahay. Hindi na binigyan ng pagkakataon si Liam o kung sino man na gustong kumausap sa kaniya. Nang makapasok sa bahay ay saka tinamaan ng matinding pagod at lagkit si Pat, iniisip na maliligo muna siya saka bababain ang mga magulang para ipaalam na andun na siya.

“Can I talk to you for a while, Pat?” bulaga ni Nina sa bungad ng hagdan na halos ikatalon ni Pat sa gulat.

“Nina? What are you doing here? Is everything OK? Liam? Kyle?” sunod sunod na tanong ni Pat, magsisimula ng tumakbo kung kailangan. Napansin niya na naka-puti pa ito tanda na galing o papasok pa lang ito sa ospital at ang ideya na maaaring nandun ito para magdala ng masamang balita galing ospital ay agad na pumasok sa isip ni Pat.

“They're fine. Liam's fine and Kyle's fine, physically, at least.” makahulugang sabi ni Nina.

“You guys talked already?” tanong ni Pat, nung huli kasi silang nagkita-kita ay tigiisang insulto ang natanggap nila kay Kyle kaya naman nagtaka siya na ganun-ganun na lang ito pinagbigyang kausapin ni Nina.

“Believe me I didn't want to. It was Liam who called me and literally said that his asshole-ish dad is so miserable. You know I couldn't say no to that kid. Anyway, the asshole apologized and he is in fact been miserable the whole week, Kevin still wouldn't talk to him even after he picked up Joey the other night and after they practically walked on each other and then you, according to Kyle, has been avoiding him and Liam like a plague.”

“Yeah, I wonder why? Hmmm maybe because being called a rapist, child molester and a slut in just a month really hurts---” saglit na natigilan si Pat at hinayaan sabihin sa sarili ang kaniyang iniisip na kadugtong ng sinabi niya kay Nina. “---and the fact that he kissed and might blame me for it after sounds really comforting to not avoid him like a plague.” pero hindi na sinabi ni Pat ang huling naisip na iyon. Pakiwari niya kasi na hindi magandang ideya na sabihin kay Nina ang halikan na nangyari.

“Just please talk to him? I'm staying at his house again but I'm on a graveyard shift this week and I forgot to call someone to look after Liam tonight---”

“What's Kyle doing? I think it's his job to look after his son.” sarkastikong balik ni Pat.

“Well he might do it if he's not acting like some depressed fool. Just please be there tonight until Liam get's to sleep. Please.” balik naman ni Nina una ay nagdadalawang isip si Pat pero ang maisip na mag-isa lang si Liam kasama ang depress-depressang si Kyle ay agad narin siyang pumayag.

0000ooo0000

“Liam?” tawag ni Pat sabay katok sa malaking puno ng sampaloc. Narinig niya ang pagkaluskos sa loob ng tree house at miya miya pa ay sumilip na pababa si Liam. Gulo-gulo ang buhok nito at madungis dahil siguro sa kakalaro.

“PATWICK!” sigaw nito at halos tumalon mula sa taas ng tree house pasalubong kay Pat.

“Hey buddy.” bati ni Pat sa bata sabay yakap dito. Mahigpit siyang niyakap nito pero agad ding humiwalay at sumimangot.

“Galit ako sayo.” sabi nito nang makahiwalay na kay Pat atsaka itiniklop ang kaniyang mga kamay sa dibdib at tumingin sa kanan, iwas kay Pat. Pinigilan ni Pat mapangiti.

“I figured you'd be mad that's why I bought you something.” sabi ni Pat sabay inilahad ang iniuwing water color. Saglit na nagmatigas si Liam pero napansin ni Pat na sumisilip ito at tinitignan kung ano ang uwi sa kaniya ni Pat.

“You don't like it?” arte ni Pat nang makita niyang tuluyan ng natunaw ang pagmamatigas ng bata at minamata ng maigi ang water color sa kaniyang kamay.

“Then I'll just give it to Pauline. I think she will like it.” arte pa ulit ni Pat. Alam niyang hindi papayag si Liam na ibigay niya ang water color sa batang tila ba ay ayaw na ayaw ni Liam. Nakatira ang Pauline na ito may ilang bahay lang ang layo kila Liam pero hindi sila naging close nito kahit pa magkasing edad lang sila.

“Give me that! Pauline doesn't know how to use this!” sabi ni Liam at sinubukang agawin ang water color kay Pat na itinaas naman ng huli upang hindi maabot ng bata.

“Hep. Hep. Hep. Say that you forgive me first---” simula ni Pat habang si Liam ay tumatalon talon upang maabot ang water color na pilit na itinataas ni Pat upang hindi niya maabot.

“I forgive you, Patwick!” may pagmamadaling sabi ni Liam na ikinahagikgik ni Pat.

“---and that you promise to share it with Pauline tomorrow when she ask you to come and play and draw with her at their house.” subok ni Pat, natigilan si Liam.

“No fair! I don't like her! She's too--- girly!” sabi ng bata at tumigil na sa kakatalon at itiniklop muli ang mga kamay nito sa dibdib.

“That's because Pauline's a girl, Liam and that's not very nice of you. She only wantsto be friends with you and to have someone to play with.” balik naman ni Pat pero umiling lang si Liam.

“OK then I'll just give this to her.” sabi ulit ni Pat, saglit na tinignan ni Pat ang magiging reaksyon ng bata at muntik na siyang mapangiti nang makita niyang nanginglid na ang luha ng bata at matamang tinitignan ang hawak-hawak niyang water color.

“Fine! I'll share it with Pauline tomorrow.” naka pout nang sabi ni Liam agad naman ngumiti si Pat at ibinigay na ang pinagdedebatehang water color.

Habang abala si Liam sa pagtitig at nanlalaking matang sinusuri ang bagong water color ay hindi naman maiwasan ni Pat ibaling ang tingin sa bintana ng kwarto ni Kyle. Hanggang ngayon ay iniisip niya parin kung pano ito kakausapin. Sa sobrang abala ni Pat sa pagtitig sa bintana at sa pagiisip ng malalim ay hindi niya napansin na nasa kaniya na nakabaling ang tingin ng bata at nakapaling na sa kaliwa ang ulo nito.

“Daddy is always looking for you. I think he misses you too.” sabi ni Liam na ikinakuwa ng atensyon ni Pat. Agad niyang ibinaling ang tingin sa bata at nakita itong mataman siyang tinitignan habang nakapaling parin ang ulo sa kaliwa. Binigyan lang ni Pat ng isang malungkot na ngiti ang bata at ibinalik na ang tingin sa gawi ng bintana ni Kyle.

“Go! Talk to daddy! He will be happy to see you! Go! Go! Go!” nakangiting sabi ni Liam sabay tulak kay Pat papasok ng kanilang bahay.

0000ooo0000

Napansin ni Pat na nakaawang ang pinto ng kuwarto ni Kyle. Muli siyang nagalanagan, inisip kung tama ba ang gagawin niya pero ang pagaalangan na iyon ay agad na nawala nang marinig niya ang mahinang paghikbi mula sa loob ng kwarto nito, papasok na sana si Pat para tignan kung ayos lang ba si Kyle nang makarinig din siya ng marahan at malungkot na pagsasalita. Saglit siyang natigilan at nakinig.

“I don't know what else to do, Karen.” sabi ni Kyle sa isang litrato kung saan tampok ang kaniyang namayapang asawa.

Bago maglapat ang kanilang mga labi ni Pat nung nakaraang linggo ay walang ibang naisip na dahilan kung bakit masama ang kaniyang mood sa tuwing nakikita ito na mas pinagtutuunan ng pansin si Kevin o kaya naman si Nina kesa sa kanila ni Liam. Akala niya ay naiinis o hindi lang siya kumportable sa ipinapakitang paglalandian nila Pat at Kevin pero ang totoo pala noon ay gusto niyang siya ang kalandian ni Pat, at nung nakaraang linggo ay nagsimula na siyang matakot dahil naisip niya na wala na sa kaniya ang pag-tingin ni Pat at nabaling na ito kay Kevin at ito din ang naisip na dahilan ni Kyle kaya't iniiwasan na siya ngayon ni Pat. Hindi naman niya mgawang sisihin si Pat matapos niya itong tawaging rapist, child molester at slut.

“I messed up. I've been an asshole to him, pushed him and called him some horrible names. He's the first person after you who gave me a chance to be me and I messed it all up. At first I was just confused, I thought I just don't like the fact that he's been flirting with Kevin but when he started calling me an asshole, a homophobe and an egotist and a narcissistic prick I just felt this strong urge to kiss him and during our lips are pressed together this realization struck me. I like him, Karen, I like Pat but I realized it a little too late. He's with Kevin now and he's been avoiding me like the plague.” mahabang salaysay ni Kyle.

Narinig ni Pat lahat ng ito kaya naman tila piniga lahat ng hangin sa kaniyang baga, lalong bumilis ang pag-kabog ng kaniyang bibig at tila hinigop lahat ng lakas sa kaniyang mga tuhod pero sa kabila non, nang maabsorb ni Pat ang mga sinabi ni Kyle ay may kakaibang lakas na nagtulak sa kaniya upang harapin ito. Hindi napansin ni Kyle ang pagpasok ni Pat kaya't gulat na gulat siya nang bigla itong magsalita.

“Can we talk?” napa-iktad si Kyle at halos mabitawan na niya ang litrato ng kaniyang namayapang asawa nang sabihin ito ni Pat.

“P-Pat. How long have you been standing there?” kinakabahang tanong ni Kyle at lumakas ang kabog ng dibdib nito nang makita niyang unti-unti ng lumalapit sa kaniya si Pat.

“Long enough to hear what you really feel about me.” pabulong na sabi ni Pat nang maglapit ang kanilang mga katawan at nang may isang pulgada na lang ang layo ng kanilang mga mukha. Saglit silang nagtitigan ni Kyle, walang ibang mababasa sa kanialang mga mukha kundi ang pagtangis at kakaibang emosyon. Hindi na napigilan pa ni Pat ang sarili at inilapat na niya ang kaniyang mga labi sa labi ni Kyle.

Isa muling mainit na halikan ang kanilang pinagsaluhan. At nang maghiwalay ang kanilang mga labi para sa panandaliang pag-hinga nila ay tahimik na idinagdag ni Pat ang isa pang bagay na nararapat linawin.

“Kevin is not my type. You are.” sa sinabing iyto ni Pat ay pareho na silang nagpakawala ng isang matipid na ngiti bago muling nagsalubong ang kanilang mga labi.

0000ooo0000

“Liam is already in bed.” nakangiting sabi ni Kyle sa nakahigang si Pat. Naisip nila na bago pa man nila ipagpatuloy ang pag-uusap ay mas magandang nasiguro na muna nila na nasa kama na si Liam at natutulog. Lumapit na si Kyle kay Pat at muli itong siniil ng halik pero agad din iyong pinutol ni Pat.

“We should talk about some things first if we are serious about this, Kyle.”

“Aren't we done talking? Isn't it time for more kissing?” parang batang sabi ni Kyle na muling nagpaalala kay Pat ng batang si Liam. Napangiti si Pat at napailing.

“No. We should talk about some things first. Like, who are we going to tell or are we serious about this or is this just some phase to you.” may pagaaalalang tanong ni Pat. Ang huli niyang gustong mangyari ay ang pagiiba ng isip ni Kyle sa hinaharap.

“This is definitely not a phase, Pat---” simula ni Kyle.

“Are you sure you want to be gay?”

“Let's not start with the labels, Pat. I can be gay but I'm not attracted in other guys. I can be bisexual but no beautiful girl can attract me whenever you're there and that defeats the idea of me being straight as well---”

“Fine, I'll drop the labels but what are we going to tell Kevin? Nina? Liam and your Dad?” tanong ni Pat.

“We'll tell them when we are both ready.” sagot ni Kyle sabay halik sa labi ni Pat, wala ng nagawa pa si Pat kundi ang tumango habang hinahalikan siya ni Kyle, iniisip na may punto si Kyle pero hindi parin nito inalis kay Pat na isipin na nagsisimula pa lang sila at marami pa silang pagdadaanan dalawa.

Itutuloy...

_____________________________

Different Similarities 2[12]

by: Migs