Different Similarities 2[11]

DISCLAIMER: This story is a work of fiction. Any resemblance to any person, place, or written works are purely coincidental. The author retains all rights to the work, and requests that in any use of this material that my rights are respected. Please do not copy or use this story in any manner without my permission.

The story contains male to male love and some male to male sex scenes. You've found this blog like the rest of the readers so the assumption is that material of this nature does not offend you. If it does, or it is illegal for you to view this content for whatever the reason, please leave the page or continue your blog walking or blog passing or whatever it is called.

Naka-kunot noong tinignan ni Kyle ang papalapit na si Kevin mula sa kaniyang kinauupuan sa den, kasa-kasama ang gadambuhalang aso na si Joey. Hindi niya parin maintindihan kung bakit napapadalas ang pagbisita sa kanila ni Kevin, sa sobrang dalas ay araw-araw na ito sa loob ng buong linggo na iyon tumatambay sa bahay nila Kyle na siya naman lalong ikinapagtataka ni Kyle. Habang naka-kunot noo ay sumulyap siya sa kinauupuan ni Pat at nakitang lumiwanag ang mukha nito nang makita rin na papalapit na si Kevin. Katulad ng naisip nung nakaraang araw ay muli niya ngayong napansin na tila ba naging mas masiyahin si Pat sa tuwing magpapakita si Kevin sa kaniyang bahay.

Nanonood ulit sila Pat, Kyle at Nina ng CSI at nang makita ni Pat na muling bumalik ang magagandang ngiti sa mukha ng kaibigan na si Kevin na noon ay padating palang ay hindi mapigilan ni Pat na magliwanag ang kaniyang mukha. Alam niyang excited na ang kaniyang kaibigan sa pagbalik ng boyfriend nito at masaya siya para dito.

Pero nang makapasok na si Kevin sa loob ng den ay agad na nabura ang masayang mood na iyon ng dalawa.

“Hi guys!” bati ni Kevin sabay tabi kay Pat.

“Andito ka nanaman?!” bati naman dito ni Kyle na ikinagulat ng tatlo at ikinatahimik ng paligid.

Naisip ni Pat na marahil ay hindi lang naging maganda ang araw nito sa ospital kaya ganito na lang ang mood nito at ayon din sa kaniyang personal na experience sa pagiging taga tanggap ng masamang mood na iyon ni Kyle ay alam niyang hindi ito ikatutuwa ni Kevin kaya't sinubukan niyang pagaangin ang mood ng paligid bago pa ito pagmulan ng away.

“That's because the last episode was such a cliff hanger!” nakangiting sabi ni Pat pero ang totoo ay kinakabahan siya dahil hindi niya alam kung mapapagaang niya nga ba ang mood ng bawat isa. Napansin ni Pat ang pag-irap ng mga mata ni Kyle na lalo niyang ikinakaba. Saglit namang tumingin si Kevin kay Pat, nang makatanggap Kevin ng isang nagsusumamong tingin mula dito ay naisip na lang niya na sakyan ito at huwag na lang pansinin ang sinabi ng bayaw.

“Yup. There's something about what Horatio said last night that got me coming back for more---” nakangiting sabi ni Kevin saka tumingin kay Kyle at sumeryoso saglit. “---I hope I'm not intruding or something.”

“Of course you're not---” simula ni Nina habang tinitignan ng masama si Kyle pero agad din siyang pinutol nito sa pagsasalita.

“Oh sure you can watch CSI with us--- anytime. You're not intruding or something.” sarkastikong sabi ni Kyle sabay tayo at lumapit kay Joey.

“Come boy!” aya ni Kyle sa aso at nagtungo na sa labas papunta sa tree house kung saan andun si Liam na muling pinupuno ng drawing ang sketchpad.

Natameme ang tatlo sa sinabi ni Kyle habang pinapanood ng mga ito ang huli palabas sa bakuran. Makailang saglit pa ay naiwang may malalim na iniisip si Kevin sa tabi ni Pat. Napansin ito ni Pat at Nina pero si Pat ang siyang unang umalo dito.

“Sigurado ako hindi lang naging maganda ang araw ni Kyle, huwag mong masyadong dibdibin iyon, mamya, tignan mo, lalapit yan sayo at magso-sorry.” tumango na lang si Kevin sa sinabi na ito ni Pat na ikinahagok naman ni Nina na tila ba nagsasabi na 'yeah right! Si Kyle magso-sorry?!' tinignan ni Pat ng masama si Nina, imbis kasi na tumulong ito sa pagpapagaang ng loob ni Kevin ay ginagatungan pa nito ang pagaalala ng kapatid.

0000ooo0000

“What do you think is his problem?” tanong ni Nina kay Pat nang mahuli ulit niya itong nakatingin sa may bintana sa gawi ng tree house kung saan masayang naglalaro si Kyle at Liam.

“I don't know. Ganyan ba siya ka-moody dati?” pabulong na tanong naman ni Pat kay Nina sabay sulyap sa gawi ni Kevin na masaya namang nakikipag-usap kay Drei sa telepono nito.

“He was never moody, Pat. I don't think the word 'moody' is in Kyle's vocabulary before now--- Oh shit!” halos mapaiktad si Nina nang biglang may sumagi sa kaniyang isip.

“What?” gulat at nagaalalang tanong ni Pat.

“I think alam ko na kung anong problema niya.” makahulugang sabi ni Nina sabay bato ng nagaalalang tingin kay Pat. Agad namang nakaramdam ng kaba si Pat pero unti unting napalitan iyon ng pagkalinaw, dismaya at kapiranggot na galit at sakit habang ikinukuwento ni Nina ang tungkol sa napagusapan nila ni Kyle noong nakaraang araw, dahil pakiramdam niya ay hinusgahan nanaman siya ni Kyle pero nalinawan din siya na maaaring may kasalanan nga siya, tutal naglalandian naman talaga sila ni Kevin pero naisip niya rin na sana ay kinausap siya ng kaniyang kaibigan bago pa man ito magalit katulad ng ipinakitang pagkainis kanina kay Kevin.

“Nagaalala lang siya kay Liam, Nina.” alo ni Pat nang muling magalburoto si Nina pagkatapos niyang sariwain ang napagusapan nila ni Kyle.

“It's just that he's too afraid about what his son might ask or might think. It wouldn't be a big deal if it was a straight couple who's flirting in front of the kid. Natatakot siyang ipaalam sa kaniyang anak na may mga taong bakla at tomboy at iyon ang kinaiinisan ko.” mahabang paliwanag ni Nina.

“Kung yan ang rason mo para magalburoto edi sa mga nagpauso ng homophobia at nagpakalap ng pagiging makitid ang utak patungkol sa ating mga kasali sa third sex ka nagagalit at hindi sa katulad nila Kyle na ang tanging kasalanan lang ay lumaking ganyan ang paniniwala at literal na naniwala sa mga pangaral na iyan.” balik naman ni Pat na ikinaisip maigi ni Nina.

Saglit silang binalot ng katahimikan.

“Alam mo, may point ka.” amin ni Nina matapos ang mahaba-habang pag-iisip.

“Lagi naman eh.” mayabang na balik ni Pat na ikinairap ni Nina.

“Alam mo, ikaw lang talaga ang isa pang tao na nakakapagpatameme sakin.” wala sa sariling sabi ni Nina, hindi mapigilan ni Pat na tanungin kung sino pa yung isa kahit pa may ideya na siya kung sino ito.

“Who's the other one that can make you shut up?” tanong ni Pat sabay ngisi.

“Karen. My twin sister.” malungkot na sagot ni Nina. Muli silang binalot ng katahimikan, tanging ang kinikilig na si Kevin lang na kausap parin si Drei sa telepono ang pinagmumulan ng ingay sa pagitan nila.

0000ooo0000

“Nina said the pizza will be here soon and she said that I have to make you guys stop playing and wash your hands before the pizza arrives.” bungad ni Pat nang makaapak na siya sa loob ng tree house matapos niya itong akyatin.

“PATWICK! It's toooooo early for dinner! Daddy and me still wants to play!” sabi naman ni Liam sabay nguso.

“It's supposed to be Daddy and I not me, Liam.” pagtatama naman ni Kyle sa sinabi ng anak na ikinapaling ng ulo ni Liam sa kaliwa.

“That's what I said.” sabi ni Liam sabay yakap kay Pat. “I'm tired.” sabi nito nang lumapat ang kaniyang maliit na katawan kay Pat. Ang tagpong ito ay ikinangiti naman ni Kyle, hindi mapigilang maisip na hindi lang siya ang natutuwa kay Pat, pati rin ang kaniyang apat na taong gulang na anak ay nawiwili kasama ito. Natigilan saglit si Kyle.

“Wala naman atang may ayaw kay Pat.” sabi ni Kyle sa sarili habang pinapanood si Pat na inaalo si Liam at kinukumbinsi na maghapunan muna bago matulog.

Sa sinabing ito ni Kyle sa sarili ay naisip niya rin na ang problema lang ay hindi lang siya at si Liam ang natutuwa kay Pat sa oras na andun ito sa kanilang bahay. Kasama niya at ng anak si Kevin at Nina na para sa kaniya ay kahati nila sa atensyon ni Pat, lalong lalo na kapag nagsimula ng landiin ito ni Kevin.

“How the heck did Joey got up here?” tanong ni Pat na gumising mula sa pag-iisip ni Kyle. Si Joey naman ay hindi mapakali sa isinuot na boots sa kaniya ni Liam para maging makatotohanan ang kanilang paglalaro.

“He climbed the tree, Pat.” umiirap na sagot ni Kyle na tila ba nagsasabi na 'obvious ba?' nang ibalik niya ang tingin kay Pat ay nakita niya itong naniningkit.

“Liam, what are we going to do with smart as--- butts like your daddy?” naniningkit parin na tanong ni Pat sa bata na agad namang nakuwa ang kaniyang ibig sabihin dahil agad na nagliwanag ang mukha nito at ngumiting nakakaloko.

“We should give him the tickle punishment so he wouldn't be a smart butt anymore!” sigaw ni Liam sabay talon padagan sa kaniyang ama at kiniliti ito sa tagiliran. Nagsimula ng gumulong-gulong si Kyle sa kahoy na sahig ng tree house katatawa, nakisali na si Pat sa pangingiliti habang si Joey naman ay paikot ikot sa naguumpukang katawan ni Liam, Kyle at Pat atsaka tumatahol ng malakas.

“I give! I give!” sigaw ni Kyle nang hindi na niya makayanan ang pangingiliti. Nangingilid na ang kaniyang luha at halos mapaihi na siya sa kakatawa.

“OK.” agad na pagsangayon ni Liam sa gustong mangyari ng ama saka umalis sa pagkakadagan dito at inaya na si Joey na bumalik sa loob ng bahay. Naiwan namang Nakadagan si Pat kay Kyle at saglit na nagtama ang kanilang mga mata. Agad na tumayo si Pat at umiwas na lalong malunod sa pakikipagtitigan kay Kyle, iniisip na baka may magawa nanaman siya na kaniyang pagsisisihan sa huli. Sa biglaang pagtayo na iyon ni Pat ay tumama muli ang kaniyang ulo sa bubungan ng tree house.

Agad na napupo si Pat at sinapo ang kaniyang bunbunan dahil sa sakit. Nagaalalang lumapit si Kyle at tinignan ang bunbunan ni Pat. Iniangat ni Kyle ang mukha ni Pat para matignan itong maigi, inalis ang pagkakasapo ng kamay at matamang tinignan ang magagandang mata ni Pat at inilagay ang magkabilang kamay sa mga balikat nito. Ilang pulgada lang ang layo ng kanilang mga mukha.

“Are you OK?” tanong ni Kyle, tunay ang pagaalala na narinig ni Pat sa sinabi nito pero agad niya ring ginising ang sarili. Iniisip na nagaalala sa kaniya si Kyle dahil magkaibigan sila at wala ng iba. Hanggang sa pagiging magkaibigan lang ang pagaalala na iyon. Tumago si Pat at hinawi ang mga kamay ni Kyle sa kaniyang mga balikat.

“We should go. Dinner should be ready by now.” malamig na sabi ni Pat dahil pinipigilan niya ang umaapaw na emosyon na lumabas sa kaniyang boses para hindi ito mahalata ni Kyle.

Tila naman sinipa si Kyle sa ginawang ito ni Pat. Alam niyang kasalanan niya kung bakit ilag sa kaniya si Pat sa tuwing nagiging masyadong malapit ang kanilang mga katawan. Pinagbintangan niya itong nangmomolestya ng bata at pinagsamantalahan ang kaniyang kahinaan at kalasingan nung gabing iyon.

0000ooo0000

Tahimik na nagsimlua ang hapunan ng grupo. Si Nina kasi ay hindi parin kinikibo si Kyle, si Pat naman sinasariwa ang nangyari sa loob ng tree house, si Kevin ay hindi magawang kumibo dahil natatakot siya na muli siyang singhalan ni Kyle, si Liam naman at Joey ay nagpapabilisang kumain. Nang igala ni Kevin ang kaniyang tingin ay nakita niya na balisa si Pat.

“What's wrong?” bulong ni Kevin kay Pat na ikinagising nito mula sa pag-iisip sa mga nangyari sa tree house.

“Oh. Uhmmm Nag-iisip ako ng bagong design para sa bago kong project sa opisina.” pabulong din na sagot ni Pat gayong hindi niya alam kung bakit kailangang bumulong.

“You know what, I know a couple of architects, you should try talking to them sometimes. You know to exchange ideas, designs and stuff.” pabulong na suhestyon ni Kevin, itatanong na sana ni Pat kung ano ang pangalan ng mga arkitektong kilala ni Kevin nang biglang nagsalita si Kyle.

“Yung totoo, Pat? Kevin? Nakakapika na ang palagi niyong pagbubulungan! What? Nina and I are not good enough to know what you guys are talking about?” singhal muli ni Kyle na ikinayuko ni Kevin, ikinagulat ni Pat at ikinairap naman ni Nina.

“We were just talking about---” simula ni Pat pero agad din siyang pinutol ni Kyle.

“Save it!” singhal muli ni Kyle sabay tayo at muling lumabas ng bahay, ni hindi nagalaw ang kinuwang pizza.

“Seriously! What the heck is wrong with him?!” tanong ni Kevin kay Nina.

“Oh. He thought you and Pat are fucking each other and that you are setting a bad example for Liam.” kaswal na sagot ni Nina na ikinagulat ni Kevin, Pat, Liam at pati narin ng aso na nagsimula ng tumahol.

“Uh-oh. Aunt Nina said the 'f' word.” singit ni Liam sabay paling sa kaliwa ng ulo.

Tinignan ng nakakalokong tingin ni Pat si Nina na ikinairap ng huli habang si Kevin naman ay nagtataka sa kung ano ang ibig sabihin ng sinabi ni Liam. Ipinaliwanag ni Pat kung ano ang ibig sabihin nito, pagkatapos magpaliwanag ni Pat ay agad na naisip ni Kevin na maganda iyong ice breaker sa pagiging gloomy ng mood ng bahay gayong hindi niya alam kung magiging maganda ito para sa kaniyang kapatid na si Nina.

“We should clean Aunt Nina's mouth now.” mungkahi ni Liam pagkatapos na pagkatapos nilang kumain pare-pareho. Tinignan ng masama ni Nina si Pat at Kevin na may mga nakakalokong ngiti na nakaplaster sa mukha.

0000ooo0000

“Patrick, stop it or I'm going to cut your balls off!” singhal ni Nina. Mahigpit kasi ang pagkakahawak dito ni Pat at Kevin papuntang kusina para linisin ng sabon ang bibig nito sa harapan ng kusina. Narinig ni Liam ang pag-singhal na iyon ni Nina kaya't agad nitong tinakpan ang kaniyang pundyo sa takot na gawin din sa kaniya ng kaniyang tiyahin ang banta nito kay Pat.

Sa ginawang ito ni Liam ay hindi mapigilan ni Nina ang mapangiti. Ngayon na lang ulit siya naging ganito kasaya. Nagyon na lang ulit siya nag-enjoy na parang bata. Kinuwa na ni Kevin ang sabon at pinabula ito sa kaniyang mga palad.

“No! Please.” humahagikgik na pagmamakaawa ni Nina pero hindi siya pinakinggan ni Pat at Nina na nagsisimula naring humagikgik. Tila ang mga matatanda ay naging kasing edad na lang ni Liam, nagkakasiyahan na miya mo magkakalaro na naggagaguahan. Pero ang kasiyahan na iyon ay hindi nagtagal dahil narinig ni Kyle ang kaguluhan na iyon habang nakaupo ito sa may den.

Nang maabutan na nagkakasiyahan si Pat, Kevin at Nina at pati narin si Liam na humahagikgik habang yakap-yakap si Joey ay hindi maiwasang magalit ni Kyle lalo pa nang makita nito ang pagtitinginan ni Pat at Kevin na tila ba nageenjoy sa pagpaparusa kay Nina. Ang tingin na sila lang dapat ni Pat ang nagsasalo sa tuwing may binabalak silang pangaasar na gagawin kay Liam.

“Wow. This is real mature of you guys!” singhal ni Kyle sa may pinto na ikinahinto ng lahat. Si Pat ay napatayo ng deretso at nagtaka sa kung ano naman ang ikinagagalit nito ngayon gayung ginawa rin naman ito ni Kyle sa kaniya noong nagmura siya sa harap ni Liam noon. Si Kevin ay hind mapigilang sisihin ang sarili dahil pakiramdam niya ay simula nung tumambay siya doon kila Kyle ay nagismula na itong maging moody kahit pa alam naman niyang wala siyang ginagawang masama. Si Nina naman kahit may bula pa ang bibig dahil sa pagsabon dito ni Kevin ay hindi rin mapigilang magalit sa brother in law.

“Daddy, Aunt Nina said the 'f' word.” seryosong sabi ni Liam na ipinalangin ni Pat na makapagpapakalma sa kaniyang ama. Pero hindi sinagot ang dasal niyang ito.

“The 'f' word is just one of your Aunt Nina's favorite swear words, Liam. You shouldn't be surprised anymore. That is how foul your aunt Nina's mouth is.” balik naman ni Kyle na agad ikinatalikod ni Nina at hinugasan ang kaniyang bibig. Magsasalita na sana si Nina nang muling nagsalita si Kyle.

“You might also think about listening to your Uncle Kevin. Slut-y words tend to get out of his mouth every now and then.” insulto ulit ni Kyle, kitang kita ni Pat kung pano gumapang ang pagkalito sa mukha ni Liam at nang ma-realize siguro nito na inaaway ng kaniyang ama ang mga kapatid ng kaniyang ina ay nagsimula ng mangilid ang mga luha nito.

“Daddy?” pagkuwa ng atensyon ni Liam kay Kyle pero hindi ito pinansin ng huli dahil abala ito sa panonood sa mga mukha ni Nina at Kyle, pinanood niya kung pano maglaro ang galit, pagkadismaya at sakit ng kaniyang sinabi sa mga mukha nito. Pinaghandaan na niya ang isang mainit na pakikipagsagutan kay Kevin at Nina pero nagulat siya ng magkasunod itong lumabas ng pinto palabas sa bakuran. Matapos sumara ng pinto sa likuran ni Kevin ay nagsimula nang makaramdam ng galit sa sarili at pagkahiya sa kaniyang mga ginawa sa mga kapatid ng kaniyang namayapang asawa.

“Liam, buddy, why don't you and Joey play in your room for a while? Your daddy and I are just going to talk.” nagising si Kyle sa sinabing ito ni Pat, nakita niyang nakatingin sa kaniya ang anak, may lungkot sa mga mata nito at nagsisimula narin itong humikbi, gusto niya itong yakapin at gusto niya sanang magpaliwanag pero ipinako parin siya ng hiya mula sa kaniyang kinatatayuan. Tumango ang bata sa mungkahi ni Pat at inaya na nito ang gadambuhalang aso papunta sa kaniyang kuwarto.

“What the hell is your problem?!” singhal ni Pat, sa unang pagkakataon ay narinig niyang nagalit si Pat at hindi nagbalak na magpatalo si Kyle.

“You and Kevin are my problem! Flirting in front of Liam, whispering like we're no good to know what you guys are talking about--- What? I turned you down and you jumped the bones of the first guy you became close with?!” muling nakaramdam ng tila ba tinatadyakan si Pat sa panibagong bintang o insulto na ito ni Kyle.

“Wait. Let me get this straight. You already called me a rapist and a child molester, and now you are calling me a slut?! I mean, Kyle, seriously?!” mahinahon pero puno ng galit na tanong ni Pat kay Kyle. Hindi na nakapagsalita pa si Kyle, nagsimula na siyang kabahan sa nagiging takbo ng pagtatalo na iyon. Dahan dahang lumapit si Pat kay Kyle na ikinaatras ng huli dahil sa takot na nakikita mula sa mga mata ni Pat. “You pushed me away. You made me feel bad because according to you I took advantage of you that night and now when you saw me innocently flirting with someone, you automatically assumed that I'm desperate enough to fuck the first guy I met?! Ganoon na ba kalalim ang pagkakakilala mo sakin to judge me that easily?!” inintay ni Pat na sumagot si Kyle at nang hindi ito nagsalita ay ipinagpatuloy niya ang paglalabas ng galit dito.

“Nina and I thought that you have a problem with me and Kevin flirting in front of Liam but after you said your last piece, you know what I think now, Kyle? I think that you felt betrayed, I think that your ego got bruised because when you saw me flirting with another guy you realized that you're replaceable, that you are not the only guy I can like, that you're just another guy whom I can have feelings with and there are still millions out there who I can run to once you turn me down. What, Kyle? Did I stepped on your ego that hard?!” sa lagay na ito ay napasandal na si Kyle sa pader ng kusina at halos tatlong pulgada na lang ang layo ng kaniyang mukha mula sa mukha ni Pat.

“And you know what else I think, Kyle? I think you're pathetic, a narrow minded asshole, a selfish son of a bitch and the king of homophobe-landia---” ang mga pangiinsulto na ito ni Pat kay Kyle ay nagdulot ng ilang matitinding emosyon na hindi niya kailan man naramdaman pa.

Hindi na natapos pa ni Pat ang kaniyang paglilitanya dahil may isang pares na ng mga labi ang lumapat sa kaniyang mga labi at hindi nagtagal ay marahan na siyang napapikit dahil sa sarap sa pakiramdam ng halikan na iyon---

Itutuloy...

_______________________________

Different Similarities 2[11]

by: Migs