The Things That Dreams Are Made Of 19

DISCLAIMER: The following is a work of fiction. Any similarities to any written works and any person, living or dead are purely coincidental. The story is intended for a mature audience. It may contain profanity and references to gay sex. If this offends you, please leave and find something more suitable to read. The author maintains all rights to the story. Do not copy or use without written permission. Email the author at miguisalvador@yahoo.com for comments, suggestions and violent reactions in pertaining to this blog and the stories that comes along with it.

Napapikit si Josh, nagsisimula ng magsisi kung bakit pa niya binanggit ang kaniyang totoong nararamdaman kay Igi sa kaniyang kaibigang si Neph gayong alam niyang straight ito at iniisip na hindi nito maiintindihan ang kaniyang nararamdaman para sa kanilang kaibigan na nagkataon namang lalaki rin. Inihanda na ni Josh ang sarili na makaring ng naghuhurumintadong sigaw mula kay Neph o kaya naman ay ang pamamanhid ng kaniyang panga dahil ine-expect niyang susuntukin siya ni Neph dito.

Kaya naman laking gulat niya nang marinig niyang tumawa ng malakas si Neph. Agad-agad na binuksan ni Josh ang kaniyang mga mata upang masiguro nga na si Neph ang tumatawang iyon at hindi ibang tao na nakapaligid sa kanila.

Nahagip ng kaniyang mga mata si Neph na maluha-luha na sa kakatawa habang sapo-sapo ang tiyan at halos mabuwal buwal na mula sa kinauupuan nito. Ngayon na lang nakita ni Josh ang kaibigan na ganitong kasaya kaya naman hindi niya napigilan ang sarili na mahawa dito at mapahagikgik na din.

“What the hell is so funny? I'm effin serious here!” saad ni Josh sa pagitan ng mga hagikgik.

“I-I'm sorry. It's just--- WHY THE HELL DID IT TOOK YOU THIS LONG TO REALIZE HOW YOU REALLY FEEL FOR IGI?!” hindi makapaniwalang sabi ni Neph kay Josh sa pagitan ng mga tawa.

“Anong ibig mong sabihin?” humahagikgik paring tanong ni Josh, hindi makapaniwala na iba sa kaniyang inaasahang reaksyon ang reaksyon ngayon ni Neph.

“You were always so touchy feely with him even when we were still young. You always make those googly eyes whenever you see Igi enter a room and you always make those weird kinikilig sounds whenever he tells a joke or when he calls your name.” eksaheradong may pakampay-kampay kamay pang saad ni Neph maipahatid lang ang kaniyang punto kay Josh.

“I guess---” simula ulit ni Josh.

“YOU GUESS?!” pasigaw ulit na saad ni Neph na ikinatigil at ikinalingon ni Josh saglit dahil napansin niyang nageeskandalo na silang dalawa sa loob ng fast food chain na iyon.

“WAG KANG MAINGAY!” singhal na balik ni Josh kay Neph.

“All I'm saying is that, I've known since--- well--- I think, since we're five and now you're going to tell me that you ONLY guess?” humahagikgik ulit na saad ni Neph, hindi makapaniwala sa sinasabi ni Josh sa kaniya.

“Yeah, well, he doesn't like me that way that I like him so---” simula ni Josh sabay pabitin sa sinasabai habang nagkikibit balikat. Ang sinabing ito ni Josh ay nag-iwan kay Neph upang magtaka.

“What do you mean 'he doesn't like you the way you like him' ? Eh pareho nga kayong nagbabatuhan lang ng malalagkit na tingin. Saka kailan pa nangyari na hindi ka gusto ni Igi eh maski nga nung hindi kayo magkasundo noon sa loob ng ilang taon nagpapapansin parin sayo yan para lang magkausap kayo.” kunot noo na tanong ni Neph, hindi makapaniwala na si Igi pa ang hindi magkaroon ng nararamdaman kay Josh gayong mas halata ito.

“Well, Lance happened---” simula ni Josh na lalong nagpakunot ng noo ni Neph. Hindi ito nakaligtas kay Josh kaya wala niya sa sariling ikinuwento kay Neph ang tungkol naman sa pagseselos niya kay Lance.

000ooo000

“Hey! San ka galing kahapon after school? Hinahanap ka namin ni Roan ah.” bati ni Lance na nakasibanghot na si Igi nang makita niya itong pumasok sa CR upang mag-ayos ng sarili.

“Had a bad afternoon yesterday so I just decided to go home early and sleep.” nakasibanghot paring sagot ni Igi na ikinibit balikat na lang ni Lance. Alam niya kasi na ikukuwento ni Igi sa kaniya ang lahat ng detalye kapag hindi na ito nakatiis.

“What's with the super big bag?” tanong ni Neph sabay sipat sa dala dala ni Igi na malaking bag.

“I have swim practice later.” aburido paring sagot ni Igi.

“Huh? Kailan ka pa inilaban sa mga swim meet?” tanong ulit ni Lance na ikinasimula ng ikairita ni Igi.

“Since our star swimmer got expelled for having sex inside the school premises.” bad trip parin na sagot ni Igi.

“And are you moody today because of being picked to swim against our rival schools and the pressure is so high or is it because of something else?” makahulugang tanong ni Lance na ikinatameme ni Igi saglit ngunit ikinainis lalo ng sobra.

“Wanna know why I'm fucking moody today? I'll fucking tell you why! First I thought I finally got my best friend back, then I thought that we will become more than friends only to find out that he just apologized and became friends with me again so he can subtly take the lime light from me and be named the best person in this damn school, there, now, you know why I’m in a bad mood! Are you friggin happy now?!” singhal ni Igi kay Lance na ni hindi naman natinag at agad na niyakap si Igi sa loob ng walang taong CR upang pakalmahin.

“Sinabi niya ba mismo yan sayo o in-assume mo lang yan? Kasi iba yung sinabi mismo sayo ni Josh yan ng harap harapan kumpara sa yung ikaw lang mag isa ang nagiisip ng ganiyan.” makahulugang bulong ni Lance kay Igi habang yakap yakap ito upang makapante ito at para kahit papano naman ay mabawasan ang sama ng loob nito.

“It’s just that he’s been like that nung hindi kami naguusap so I can’t help but think that kinabati niya lang ako para maisahan ako sa mga awards.” paiyak na at masamang masama ang loob na sabi ni Igi habang ibinabalik ang yakap kay Lance.

“Parang hindi naman ganung kababaw si Josh.” balik naman ni Lance, sinusubukang ipaintindi kay Igi na mali ang akala nito.

“H-hindi ko na rin kasi alam ang iisipin. Lately bumalik siya sa pagiging asshole---” simula ulit ni Igi na agad naming muling pinutol ni Lance.

“Alam mo kung ano ang maganda mong gawin para di ka na mag-assume ng mag-assume? Mag-usap kayo ng maayos.” mungkahi ni Lance, umaasa na sana ay pakinggan na siya ni Igi at pumayag na na makipag usap kay Josh ng masinsinan upang maitama na lahat ng ginawa ni Roan.

Tumango bilang pagsang-ayon si Igi. Iniisip na tama si Lance, kailangan na niyang kausapin si Josh ng maayos upang matigil narin siya sa pagiisip ng kung ano ano. Pinahiran ni Lance ang nagiisang luha na tumulo mula sa kaliwang mata ni Igi.

“Don't go to practice today--- kailangan mo lang i-nuod ng sine yan tulad nung ginawa mo nung first time nating manood ng sine---” simula ni Lance na sa wakas ay nakapagpagaang ng loob ni Igi, marahang sinuntok ni Igi ang malaking braso ni Lance at niyakap ulit ito ng mahigpit.

“Thanks for being so good to me.” bulong ni Igi, sasagot pa sana si Lance ng 'walang anuman' nang biglang bumukas yung pinto at bumulaga sa magkayakap na si Lance at Igi sila Josh at Neph na galing lamang sa malakas na pagtatawanan.

Ang malalakas na tawanan ng dalawang bagong dating ay agad natigil. Kitang kita ng kahihiwalay-hiwalay lang na sila Igi at Lance ang malaking ngiti sa mukha ni Josh na unti-unting nabura at napalitan ng pamumula at galit, tulad ng pagkabura ng malaking ngiti ni Josh sa kaniyang mukha, dahan- dahan ding nabura ang ngiti sa mukha ni Neph at napalitan ng takot, takot na baka masaktan ni Josh si Lance o kaya si Igi dahil sa nakikita niyang galit sa mukha nito habang si Igi at Lance naman ay nagulat sa biglaang pagpasok ni Josh at Neph sa CR kung saan sila naguusap.

Hindi alam ni Lance kung pano niya pa nakuwang ngumisi sa sitwasyon na yun. Ang pagngisi na ito ni Lance ang tila lalong umudyok kay Josh na gawin ang susunod niyang gagawin. Walang sabi sabing biglang sumugod si Josh palapit sa kinaroroonan ni Igi at Lance. Inabot ng ilang suntok ang mukha ni Lance.

Tila napako si Neph at Igi sa kanilang kinatatayuan, nagulat sa biglaang pag sugod ni Josh kay Lance. Hindi naman nagpatalo si Lance lalo pa't hindi pwedeng balewalain ang mga suntok na ibinabato ni Josh sa kaniya dahil malalakas din ito at siguradong mag-iiwan ng marka, ilang suntok din ang lumanding sa mukha ni Josh na lalo nitong ikinagalit.

Ilang suntok pa ang binato ng dalawa sa isa't isa bago pa tuluyang nagising sila Neph at Igi sa pagkakapako sa kanilang kinatatayuan at pumagitna na sa dalawa. Inaambaan pa ng suntok ni Josh si Lance nang pigilan ito ni Neph at susugurin pa sana ni Lance si Josh nang harangan ito ni Igi.

“Tama na.” bulong ni Igi kay Lance na hindi parin nagpapaawat.

“Siya ang nauna!” singhal naman ni Lance at muli pang sinubukan na makalampas kay Igi.

“Nag-usap na tayo---” sigaw ni Josh kay Lance habang binabato ito ng masamang tingin na agad namang pinutol ni Lance.

“Sabi ko sayo na kausapin mo siya---” simula ni Lance ngunit si Josh naman ang pumutol sa pagsasalita nito.

“Eh pano ko siya kakausapin eh hindi ka umaalis sa tabi niya!”

“Sino ba at ano ang pinaguusapan niyo?!” singhal ni Igi nang hindi na niya napigilan ang sarili na magtanong patungkol sa tila matalinghagang paguusap ng dalawa.

“Mabagal ka lang talaga.” pasaring ni Lance na sa kabila ng pagkakaroon ng hiwa sa ibabang labi ay nakuwa pang ngumisi, ang ginawang ito ni Lance ay lalong nakapagpakulo sa dugo ni Josh na hindi napigilan ni Neph at tuloy-tuloy nang sumugod muli kay Lance, dahil sa nabasa na ni Igi ang iniisip ni Josh ay muli itong pumagitna sa dalawa.

Isang nakakabinging suntok ang lumapat sa kaliwang pisngi ni Igi na nakapagpadilim ng kaniyang paningin kaya't agad niyang ibinalik ang suntok na ito kay Josh. Lahat ng sama ng loob na naipon sa loob ng ilang linggo ay ibinuhos niya sa suntok na iyon. Saglit na natigilan si Josh matapos lumapat ang kamao ni Igi sa kaniyang kanang pisngi. Nagulat, nalungkot ngunit ang gulat at ang lungkot na iyon ay agad na napalitan ng galit.

Galit dahil sa pagaakalang ipinagtatanggol ni Igi si Lance dahil may pagtingin ito dito. Pagtingin na dapat at hinihiling niya ay sa kaniya nakatuon. Galit kasi nakuwa siyang saktan ni Igi para lang sa isang taong kakikilala pa lang nito laban sa kaniya na kakilala na nito simula pa nung mga bata sila.

Lahat ng selos na kaniyang kinimkim at inipon laban sa akala niyang relasyon nila Igi at Lance ay lumabas sa suntok na kaniya na ngayong ibabato kay Lance, ngunit maagap si Igi, humarang ito muli sa harapan ni Lance.

Sa ikalawang pagkakataon, muling nakaramdam ng nakabibinging sakit sa kaliwang pisngi si Igi, hindi niya mapigilang mapasigaw bago mawalan ng malay.

000ooo000

“Are you OK?” tanong ng nagaalalang si Neph nang makita niyang unti-unti ng binuksan ni Igi ang kaniyang mga mata.

Hinintay pa saglit ni Igi na luminaw ang kaniyang paningin saka tinignan si Neph na nagaalalang nakadungaw sa kaniyang mukha. Lumingon-lingon si Igi, nakilala niya ang lugar na iyon, asa school clinic sila, mataman siyang tinignan ng school nurse nang marinig nito ang sinabi ni Neph.

“How long was I out?” tanong ni Igi sabay sapo sa kaniyang kaliwang pisngi, nang dumampi ang kaniyang palad sa kaniyang sariling pisngi ay hindi niya napaigilan ang sarili na mapangiwi dahil sa sakit.

“Ten minutes---” simulang pagsagot ni Neph kay Igi na agad namang pinutol ng may katarayang school nurse.

“The principal wants you to report at his office once you're awake.” sabi ng nurse na ikinairap ni Neph.

“Can't he just stay here for a while? Sampung segundo pa lang ata siyang nagigising eh.” may pagakapilosopong sagot ni Neph. Binigyan lang sila ng isang nakakatakot na tingin ng nurse kaya't wala na lang siyang nagawa kundi ang alalayan si Igi na makatayo.

Tahimik ang dalawa habang lumalabas ng clinic at habang binabaybay ang mahabang corridor papunta sa opisina ng principal. Si Neph, nagiisip ng magandang paraan upang matulungan ang kaniyang dalawang best friend habang si Igi naman ay nagiisip ng ilang magagandang mura at sumpa na ibabato kay Josh dahil sa patuloy niya paring nararamdamang pananakit ng kaliwang bahagi ng kaniyang mukha isama na pati ang panga.

“He's worried about you, you know.” simula ni Neph na gumising kay Igi sa pagiisip kung pano siya makagaganti kay Josh.

“Huh?” tanong ni Igi.

“When you fell after he hit you. He was so worried, I thought he's going to cry.” sagot ni Neph, upang mapagaang ng konti ang ginawang pagsuntok ni Josh kay Igi.

“Tsss!” di makapaniwalang balik ni Igi sabay iling na agad niyang pinagsisishan dahil sa sakit ng kaniyang kaliwang pisngi.

“Swear! Di niya sinasadya, promise.” pangungumbinsi ni Neph kay Igi.

“Bakit ba niya kasi biglang sinugod si Lance, eh nananahimik naman yung tao. Saka ano ba yung pinaguusapan nila kaninang dalawa, bakit siya galit na galit? Sinusumpong nanaman ba siya ng pagkabaliw!?” sunod sunod na tanong ni Igi. Agad na nakaramdam ng kaba si Neph. Iniisip kung sa kaniya ba talaga dapat manggaling ang impormasyon na iyon o iintayin na lang niyang kausapin ni Igi si Josh.

“Ah--- uhmmm---” simula ni Neph na ikinataka ni Igi. “---we're here!” palusot bigla ni Igi nang mapatapat na sila sa pinto ng opisina ng principal.

“NO! You're going to tell me why Josh suddenly attacked Lance!” singhal ni Igi na agad ikinatameme ni Neph.

“I—I wish I could tell you, Igi--- but I-I promised J-Josh that I'm going to keep my mouth shut because he wants to say it to you personally.” sagot ni Neph na lalong nakapagpalakas ng pagkaintrigero ni Igi.

“I---” simula muli ni Igi.

“Talk to him. Everything is going to be OK. J-just talk to him.” makahulugan ulit na sabi ni Neph sabay katok sa pinto ng principal, binuksan ito at itinulak si Igi papasok doon upang hindi na siya nito matanong pa.

000ooo000

“The three of you are suspended for three days.” striktong saad ng principal matapos nitong malaman ang buong pangyayari kila Igi, Josh at Lance.

Hindi inintindi ni Josh ang parusang sinabi ng principal dahil abala siya sa pagbato ng nagaalalang tingin kay Igi na miya mo hinampas ng bulldozer sa mukha.

“But it was Josh who attacked Lance. It was self defense!” tutol ni Igi sa gustong mangyari principal.

Nagising si Josh mula sa pagbabato ng nagaalalang tingin kay Igi nang marinig niya ang pagtutol na iyon ng huli. Pakiramdam nanaman niya ay iniisang tabi nanaman siya ni Igi at inuuna si Lance kaya't muli nanaman sumiklab ang galit niya.

“He---” simula ni Josh pero nang mapasulyap siya kay Lance ay nakita niyang tila ba nagpipigil ito ng tawa pagkatapos ay ngumisi na tila ba ang mga nangyayaring iyon ay ayon lahat sa kaniyang plano. Hindi siya makapaniwala na nahulog ang loob ni Igi sa isang taong katulad ni Lance gayong alam niyang mas mabuti pang sa kaniya na lang itinuon ni Igi ang pagtingin nito at ngayon ipinagtatanggol pa nito si Lance imbis na siya na mas mahaba pa nitong naging kaibigan. At dahil sa naisip na ito ni Josh ay nabaling kay Igi ang kaniyang galit.

“Fuck you. Igi.” pabulong ito pero hindi kaila sa tono niyon ang galit. Ikinagulat ito ni Igi, Lance at ng principal.

“No, Josh. Fuck You.” pabulong din itong sinabi ni Igi pero hindi lang galit ang maririnig sa tono ng kaniyang mga sinabing ito kundi pati lungkot.

“That's it. You two just added two more days to your three day suspension. Lance, you may go, your three day suspension starts tomorrow.” striktong saad ng principal sabay tingin ng masama kila Igi at Josh bago inangat ang intercom at tinawagan ang sekretarya. “Please call Mr. Igi Saavedra and Mr. Josh Sandoval's parents. Thank you.” saad ng principal sa kaniyang sekretarya sa kabilang linya matapos lumabas ni Lance ng opisina.

“This is so UNFAIR!” sigaw ni Josh sabay tayo.

“Where do you think you're going?” strikto paring tanong ng principal kay Josh.

“You can't just let Lance go! He started all of this!” halos nagwawala ng sabi ni Josh.

“Suspended din si Lance---” simula ng principal, sinusubukang ipaintindi kay Josh ang mga nangyayari.

“Eh bakit parents lang namin ni Igi ang ipapatawag niyo?! Kung ipapatawag niyo ang parents namin edi ipatawag niyo rin ang parents ni Lance!” pagpupumilit ni Josh.

“Parents are not called by my office just because their child threw a punch or two but when a student swear in front of a teacher let alone the school principal, then the parents has the right to know that their child needs to be briefed with proper conduct, at yung briefing na iyon ay dapat magsimula sa bahay niyo at parents niyo ang dapat na magpasinaya non!” balik singhal na ng principal matapos kwestyunin ng isang labing anim na taong gulang na bata ang kaniyang pamamamalakad sa sariling skwelahan.

“So you're telling me that throwing a 'punch or two' is more of a 'proper conduct' than swearing? Kasi kung ganon edi sana sinuntok ko na lang pala si Igi sa harapan mo kesa sa minura ko siya.” pilosopong balik ni Josh na nakapagpatameme sa principal at nakapagpanganga kay Igi dahil sa gulat at dahil hindi siya makapaniwala sa mga nangyayari. Ang pagkatameme at hindi pagkapaniwalang ito ni Igi at ng principal ay nabasag nang marinig nila ang tila ba kontrabidang tawa ni Josh.

“I didn't know that this school's principal is a joke! I didn't know that everything in this school is a joke!” singhal ni Josh, hindi mapigilan ang sariling galit na lumabas.

“Josh---” mahinahong simula ng principal. Alam niyang hindi sinasadya ni Josh ang kaniyang mga sinabi at nadala lamang ito ng galit at handa siyang patawarin at magbingi-bingihan sa mga masasakit na sinabi nito pero agad din siyang pinutol ni Josh sa pagsasalita.

“Forget it! I'm out of here!” singhal ulit ni Josh, sumulyap saglit kay Igi na gulat na gulat parin sabay labas ng opisina at pabalang na isinara ang pinto.

000ooo000

Hindi makapaniwala si Josh sa kaniyang inasal habang naglalakad pauwi. Ngayon, alam niyang hindi lang simpleng suspension ang kaniyang kahaharaping parusa kundi malaki ang posibilidad na ma-expel pa siya, ngunit wala na siyang magagawa, gusto niyang magmatigas dahil alam niyang siya ang nasa tama ngunit alam niyang mali naman ang kaniyang inasal imbis kasi na makiusap siya at ipagtanggol ang sarili sa magandang paraan ay idinaan niya ito lahat sa sigaw. Napabuntong hininga na lang si Josh at umiling.

“Igi hates me and now I'm an out of school youth. San na lang ako pupulutin nito?” tanong ni Josh sa sarili sabay buntong hininga ulit. Kasabay nito ay ang pagharurot at biglaang pag preno ng isang kotse malapit sa kaniya.

“Joshua Sandoval! Get inside the car this instant.” sigaw ng isang babae sa di kalayuan.

“Aunt Cha?” kunot noong tawag ni Josh sa babae na nakasakay sa loob ng isang kotse malapit sa kaniyang kinatatayuan.

Itutuloy...

The Things That Dreams Are Made Of

“Chapter 19”

by: Migs