Halaga 1

DISCLAIMER: The following is a work of fiction. Any similarities to any written works and any person, living or dead are purely coincidental. The story is intended for a mature audience. It may contain profanity and references to gay sex. If this offends you, please leave and find something more suitable to read. The author maintains all rights to the story. Do not copy or use without written permission. Email the author at miguisalvador@yahoo.com for comments, suggestions and violent reactions in pertaining to this blog and the stories that comes along with it.


Nagsisimula na akong marindi sa kakatalbog ng bola ng basketball sa pader ng kwarto ko, bagay na nakahiligan na ng best friend ko na gawin sa tuwing naboboryo siya habang tumatambay siya sa kwarto ko. Pilit kong iwinaglit sa aking isip ang nakakarinding tunog na iyon at ibinaling ko ulit ang aking pansin sa pageempake ng aking mga gamit na sa palagay ko ay gagamitin ko araw araw habang nasa dorm sa loob ng apat na taon kong pamamalagi sa Maynila.


Dapat kasi nagpapahinga muna tayo kahit isang taon lang--- sobrang hirap kaya nung sampung taon na solid tayong nagaaral.” saad ni Baste na siyang rumirindi din sakin. Ilang beses na kasing sinabi sakin ni Baste ang kagustuhan niyang magpahinga muna bago magkolehiyo na hindi ko sinangayunan simula pa lang nung una niya itong banggitin sakin.


Baste---” simula ko pero agad na ako nitong siningitan sa pagsasalita.

---Madami ng pwedeng mangyari sa isang taon mong pagpapahinga---” panggagaya sakin ni Baste na ikinairita ko. Ito kasi ang simula't sapul kong isinasagot sa kaniya sa tuwing iminumungkahi niya sakin ang pagpapahinga ng isang taon sa pagaaral.


Alam mo naman pala ang sagot ko eh bakit paulit ulit mo pa sinasabi? Saka hindi ka ba nanghihinayang dun sa isang taon na yun? Anong gagawin mo sa loob ng isang taon? Saka ayaw mo bang grumadweyt agad?” tuloy tuloy kong tanong dito habang nirorolyo ang ilang pares ng medyas bago isilid sa bagahe.


Sus. Andame nanaman po niyang sinabi.” bulong ng kumag na hindi nakaligtas sakin. Ihinagis ko ang isang karorolyo lang na medyas sa mukha nito na ikinahagikgik nito tapos parang wala lang ulit nangyari kasi muli nitong pinatalbog ang bola sa pader ng kwarto ko na ikinayanig ulit ng buong bahay.


Ang totoo niyan, kung gugustuhin ni Baste ay makakapasok siya sa kahit na anong unibersidiad na piliin niya. Noong kumukuwa pa kami ng mga entrance exam (kumuwa siya hindi dahil gusto niya kundi dahil gusto niya lang sumama sakin) ay halos lahat ng pinagsulitan namin ay naipasa niya, iba pa ang mga unibersidad na nag-o-offer sa kaniya ng basketball scholarship. Tinatamad lang talaga siya.


Matutulog ako sa loob ng isang taon. Hindi ka ba napagod kakaaral saka kakapasok nung high school?” tanong nito sakin na ikinailing ko na lang, hindi ako makapaniwala sa pagiging immature nito.
Saglit kaming binalot ng katahimikan. Si Baste parang nagiisip ng malalim habang ako naman ay abala sa pagikot ikot sa buo kong kwarto upang likumin lahat ng dapat ko pang dalhin.


Wala na akong kasama na magbasketball every M,W,F niyan.” wala sa sariling malungkot na pagamin ni Baste na ikinagulat ko. Ikinagulat ko kasi si Baste ang tinatawag nilang “All Man” at ang pagpapakita ng kahit na anong emosyon kahit pa sa tono lang ng pagsasalita nito ay talaga namang nakakagulat lalo na para sakin na halos buong buhay ko na siyang kilala.


Napansin niya ata ang pagkagulat ko at biglang pagtigil sa ginagawa ko kaya agad ako nitong tinignan.


What? It's not like I'm going to miss you or something.” sarkastiko nitong balik na ikinailing ko na lang.


Typical.” bulong ko saka ipinagpatuloy na lang ang pageempake habang si Baste naman ay muling pinatalbog ang bola sa pader.


NICO, HUWAG NIYONG GIBAIN ANG BAHAY!” sigaw ng nanay ko mula sa kusina na siyang nagpatigil kay Baste sa ginagawa niya at ikinairap ko naman.


SI BASTE YUN MA!” depensa ko.


Sumbungero!” singhal ni Baste sabay tayo mula sa aking kama at kinonyatan ako.


AH OK. SIGE LANG BASTE ENJOY KA LANG!” sigaw ulit ng nanay ko na may halong lambing na ikinairap ko nanaman.


Typical.” bulong ko ulit na ikinahagikgik muli ni Baste pero hindi na niya pinatalbog pa ang bola sa pader ng kwarto ko.


Humahagikgik si kumag dahil alam niyang hindi siya papagalitan ng mga magulang ko kahit pa magiba nga ang buong bahay namin dahil sa kaniya. Alam niyang mahihirapan ang sino man na magalit o kaya mainis sa kaniya. Likas na charming si kumag, maliban sa pinagpala si loko sa itsura, ganda ng pangangatawan, talino at pananalita ay pinagpala din ito sa departamento ng sense of humor.


Your mom loves me---” humahagikgik na saad ni Baste na ikinairita ko ulit.


Yeah. Everybody loves you. Can't see why though---” pangaasar ko dito.


Nakatikim nanaman ako ng konyat.


Pero seryoso Nics, sino na ang kasama kong tumambay dito kung asa Manila ka na? You're the only one who knows me at ganun din ako sayo. Sino na ang sasabihan mo ng deep dark secrets mo? Tayo lang dalawa ang meron nun eh. Walang sikreto sikreto diba? Alam mo ang baho ko at alam ko din ang baho mo!” nakangising saad ni Baste na ikinatigil ko ulit sa aking ginagawa.


Napatigil ako kasi hindi totoo ang huling sinabing iyon ni Baste. Meron akong baho na hindi niya alam. Bigla tuloy akong na-guilty lalo pa nang maalala ko kung ano ang pinakatatago tago kong baho na iyon sa aking best friend na pinangakuan kong wala akong itatagong kahit na ano.


It's going to be alright.”


Gab.”


Just one kiss.”


NICO! Nakikinig ka ba?” tanong ni Baste na ikinagising ko mula sa bagay na itinatago ko sa kaniya.


What?” tanong ko dito na ikinailing nito.


Sabi ko diba wala naman tayong secrets sa isa't isa?! Pano na kung may kailangan akong sabihan ng isang secret na gusto ko tayo lang dalawa yung nakakaalam, pano na?” parang batang tanong nito na siyang nangonsensya nanaman sakin.


Baste--” simula ko agad naman itong tumingin sakin.


Nics, what's wrong?” tanong nito sabay nangunot ang noo.


It's just---” simula ko ulit pero sumingit nanaman si Baste.


Masama ba ang pakiramdam mo?” nagmamadaling tanong ni Baste sabay mabilis na lumapit sakin at inilapat ang likod ng kaniyang palad sa aking leeg para malaman kung mainit ba ako na ikinagulat ko.


Nasaktan ka ba nung nadapa ka kahapon nung naglalaro tayo?” tanong ulit ni Baste sabay itinaas ang magkabila kong kamay na tila ba tinitignan kung may mga bali ba ako doon.


May sugat ba yung mga siko mo o kaya yung mga tuhod mo?” tanong nanaman nito sabay hila sa magkabila kong kamay saka silip sa aking mga tuhod.


Susumbong kita kay Mama, Baste! Tinulak mo ako!”


Wag mo ako sumbong kay tita! Di ko naman sadya eh!”


Ang sakit kaya nung sugat ko!”


Di na yan sasakit. Akin na iki-kiss ko.”


Wala namang sugat eh. Pero akin na ikikiss ko parin!” saad nito na ikinagising ko sa pagbalik sa mga alaala nung mga pa bata kami.


Nakita ko ang papalapit nitong nguso sa akin. Agad kong ibinuka ang palad ko at sinupalpal ito. Hindi ko na napigilan ang mapangiti nang marinig ko ang paghagikgik nito nang makabawi sa pagsungalngal ko sa kaniya. Mabilis nitong sinuntok ng pabiro ang aking braso, hindi kasing laki ng katawan niya ang katawan ko kaya naman para sakin ay malakas ang suntok niyang iyon kahit pa pabiro lang ito.


Gago!” pabiro kong singhal dito na ikinatawa lang nito ng malakas.


Saglit ko itong tinignan. Simula pa noong mga bata kami ay lagi na lang binabasag ni Baste ang bad mood ko at lagi ako nito pinapatawa kaya naman muli akong nakonsensya, inisip ko na hinid ako nagiging mabuting kaibigan kay Baste dahil sa aking patuloy na paglilihim dito.


Hey! What's with the serious face again?!” paninita nanaman sakin ni Baste.


Bigla akong pinagpawisan ng butil butil. Alam ko sa sarili ko na isang pagtra-traydor sa pagkakaibigan namin ang patuloy na paglilihim ko pero pumasok din sa isip ko na pano kung mawala din ang pagkakaibigan namin sa oras na sabihin ko sa kaniya ang lihim ko sa kaniya.


Baka ito na yung mga huling araw nating magkasama and you're spacing out on me.” umiiling nitong saad sabay humagikgik, natatawa sa kaniyang sinabi.


He's right. Ilang araw na lang at baka matagal kayo bago magkita ulit. Sabihin mo na sa kaniya ngayon at least hindi ka na makokonsensya na tinatraydor mo ang pagkakaibigan niyo. Kung hindi ka niya matatanggap edi wala ka ng magagawa dun at least hanggang huli mas pinili mong maging mabuting kaibigan.” pagdidikta ng sarili kong utak.


Baste, I have to tell you something.”


Nangunot ang noo ni Baste. Alam niya lagi kung kailan ako seryoso at kung kailan ako pwedeng loko-lokohin. Kumag man ito sa paningin ko pero siya lang ang tanging tao na nakakakilala sakin ng sobra. Kaya naman ang tignan ako nito ng mariin ay alam kong nababasa na nito na mabigat ang paguusapan namin na iyon.


You're not dying are you?” tanong nito na may seryosong pagaalala. Na-touch ako sa pagaalala nito, hindi ito bago sakin pero ang makita ko ang tila ba bata na nagaalala na iwan siya ng magulang niya sa isang hindi pamilyar na lugar.


Napatawa ako. Una ay lalong nangunot ang makinis na noo ni Baste pero hindi rin nagtagal ay nahawa na ito sa malakas kong tawa.


You say the dumbest things.” sabi ko dito sa pagitan ng pagtawa ko.


Kasi you're acting weird! Akala ko nga you're going to confess young undying love for me eh.” balik ni Baste sakin na ikinatigil ko sa pagtawa at ikinalaki ng aking mga mata. Nakita siguro niya ang biglaang pagiba ng emosyon sa aking mukha kaya unti unti ring humina ang kaniyang pagtawa at nabura ang malaking ngiti sa kaniyang mukha.


Y-you're n-not in love with m-me are y-you?” nauutal na pagkukumpirma ni Baste sa akin na agad kong sinagot ng pag-iling. Nang makita niya ang mariin kong pagiling na iyon ay agad siyang nagpakawala ng isang tawa na puno ng pagaalangan at nerbyos.


I'm not in love with you---” simula ko na muling kumuwa sa buong pansin ni Baste.


---but—uhmm--- I'm gay.” pagtatapos ko. tumitig sakin si Baste, nung una ay akala ko na hindi niya narinig ang sinabi ko, akala ko ay masyadong mahina ang pagkakasabi ko o masyadong malabo dahil sa aking pautal utal ko itong sinabi kaya nagulat na lang ako nang bigla nanaman itong lumapit sakin at sinuntok ako ng malakas.


Dahil nga sa laki ng katawan ni Baste ay hindi na nakapagtataka na napahiga ako sa sahig ng aking kwarto. Sapo sapo ko din ang kaliwang bahagi ng panga ko dahil sa sakit pero lahat ng sakit sa aking pagkakadapa sa sahig at sakit sa aking panga ay nawala nang makita ko ang malalaking paa ni Baste at nang marinig ko ang malalakas na yabag nito palabas ng aking kwarto.


Mas nasaktan ako sa ginawa niyang pagalis na iyon kesa sa suntok niya at pagkakadapa ko. ibig sabihin nun ay dapat ko ng kalimutan ang aming mga pinagsamahan at pagkakaibigan dahil hindi niya tanggap ang totoo kong pagkatao.


000ooo000


Makalipas ang ilang oras matapos kong sabihin ang sikreto ko kay Baste ay nakita ko na lang ang sarili ko na nakatitig sa labas ng bintana ng kwarto ko. Iniisip kung saan ko nga ba nakuwa ang ideya na magtapat kay Baste.


Malamang hindi ako nun tatanggapin, he's 'all man' nga diba?” pang isangdaang beses ko ng sabi sa sarili ko.


Pumasok sa isip ko ang mga tagpo nung pumapasok pa kami sa high school, yung linggo linggo ay may bagong girlfriend si kumag, yung gabi gabi ay may ka-date itong ibang babae at kada may okasyon sa skwelahan ay iba't iba rin ang nakangkla sa braso nito. Ganun ka 'all man' si Baste, umabot pa nga sa punto na may dalawang babae na pumayag na pagsabayin nito, wala silang pakielam basta si Sebastian Mendoza ang boyfriend nila.


At least this will be the last week na makikita mo yung kumag mong best friend na iyon.” sabi ko sa sarili ko sabay iwas ng tingin mula sa bintana at sinaran na ang aking bagahe. Hudyat na wala na akong ilalagay pa sa loob nito.


Correction. EX best friend.” saad ng kontrabida kong utak.


Eh ano naman kung di ko na siya best friend?!” naiirita kong saad sa sarili ko. Hindi ko alam kung sino ang kinukumbinsi ko.


Bakit ka ba umiiyak?”


Wala.”


Ano ka nababaliw na? Umiiyak ka ng walang dahilan?”


Eh nalulungkot lang ako.”


Di mo ba sasabihin sakin kung bakit ka nalulungkot?”


----”


Dahil ba umalis na si kuya Gab?”


----”


Sus! Wag mo ngang isipin yun. Makikita at makikita mo parin naman yung mukhang tipaklong na yun eh.”


Halika na. Libre kita ng magnum---”


Talaga?!”


Oo naman! Bumalik lang sa dating haba yang nguso mo saka tumigil lang yang uhog mo sa mata.”


Luha yan.”


Whatever. Uhog yan na sa mata lang lumalabas kasi masyadong malayo kung sa ilong pa sila lalabas.”


Ano ba yang mga Teorya mo, Baste!”


Totoo kaya. Uy! Huwag mong tawanan napanood ko kaya sa National Geographic yan! Kaya naniniwala na hindi totoo na may 'luha'!”


Eh tangina lang.” saad ko sa sarili ko sabay napaluha nang maalala ko ang araw na iyon nung umalis si Gab. Si Baste lang ang nakapagpagaang ng loob ko at ang kaniyang libreng magnun na siyang first time niya pa lang na panlilibre sa akin sa buong pagkakaibigan naming dalawa.


Sige. Ngayon mo sabihin na OK lang sayo na hindi mo na best friend si Baste.” kontrabidang saad ng sarili kong utak.


ARRRGGGHHHH!” sigaw ko sabay dampot ng bola na kanina lang ay dinidribol ni Baste sa pader ng kwarto ko at naglakad na ako papunta sa kalapit na basketball court.


Iyon kasi ang pampatanggal stress ko. Actually yun ang pampatanggal stress namin pareho ni Baste. Sa tuwing may isa samin ang naiirita o kaya naman ay wala lang talaga sa mood ay doon kami dumederetso, nilulunod ang sarili sa paglalaro ng basketball. Kaya naman nagdahan-dahan ako, sinilip ko muna kung naglalaro din sa court si Baste bago ako tumuloy, hindi dahil natatakot ako sa kaniya kundi dahil baka ako naman ang manapak sa kaniya pagnagkataon.


Ayaw ko rin namang makipagbugbugan.


AAAAAAYYYYYY!!!” sigaw ng isang may kalusugang babae nang makatungtong ako sa court. Agad ko itong binato ng tingin, sakto nang makita ko ang unti unting pagkawala ng ngiti nito sa mukha.


Ayyy---” nanghihinanyang at dismayado nitong simula. Nangunot ang noo ko.


---bakit ikaw lang? Asan si Papa Baste?” tanong nito na ikina highblood ko.


Nagpatiwakal na.” sagot ko dito sabay drinibol ang bola na hawak ko. Narinig ko pang sumigaw ang dambuhala.


Gago ka talaga, Nico!” sigaw nito sakin saka umupo sa gilid ng court.


NICO!” sigaw ng isang lalaki habang ishu-shoot ko ang bola. Dumulas tuloy ito at natamaan si Dambuhala sa ulo.


ARRRAAAYYYY!” sigaw ni Dambo, di ko na ito pinansin at tumalikod na at hinarap si Baste. Ginaya ko ang galit na galit nitong tindig.


ANONG GINAGAWA MO DITONG KUMAG KA?!” simula ko. Kinain na ako ng galit lalo pa nang maalala ko ang masakit nitong suntok. Mabilis itong lumapit sakin at inambaan. Pumikit na lang ako, iniisip na sa oras na lumapat sakin ang kamao niya ay saka ko na lang iisipin kung saan ko ilalapat ang kamao ko sa katawan niya para naman saktan siya.


Itutuloy...


Halaga 1
by: Migs

Comments

  1. Hi guys! new series. a stand alone po. Sorry for the best friend plot again. alam ko napaka cliche ng plot but please give the story a chance. haha! salamat sa patuloy na pagsuporta. COMMENTS please. It gets me going... :-(

    ReplyDelete
  2. Idol.. nagbalik kana.. you back baby...

    ReplyDelete

Post a Comment

Popular posts from this blog

The Rebound

Make It With You [Chapter 5] Failed Plans

Against All Odds 2[55]