Breaking Boundaries 2 [15]

DISCLAIMER: The following is a work of fiction. Any similarities to any written works and any person, living or dead are purely coincidental. The story is intended for a mature audience. It may contain profanity and references to gay sex. If this offends you, please leave and find something more suitable to read. The author maintains all rights to the story. Do not copy or use without written permission. Email the author at miguisalvador@yahoo.com for comments, suggestions and violent reactions in pertaining to this blog and the stories that comes along with it.

Ngayong papaalis na sila at nagawa na nila ang pakay nila sa pagpunta doon sa bahay nila Conching ay hindi maiwasang balik-balikan ng tingin ni Dale ang magandang tanawin sa likod ng bahay at hindi ito nakaligtas kay Andy. Hindi mapigilan ni Andy ang mapangiti nang maisip niyang parang bata si Dale na ayaw pang iwanan ang pasyalan at ang ngiti namang ito ay hindi nakaligtas kay Conching.

Naglalakad na ang tatlo palabas muli ng bahay ni Conching at papalapit sa kotse ni Dale. Nahuhuli si Dale sa paglalakad habang si Conching at Andy naman ay sapat lang ang layo kay Dale upang magkaroon ng isang pribadong paguusap.

“Can you keep him?” tila isang batang nagre-request sa kaniyang ama na alagaan na lang nila ang aso na nakita sa isang pet shop na saad ni Conching.

“Huh?” ang tanging nasabi ni Andy, nagtataka sa kung anong ibig sabihin ng request na iyon ng kaniyang tita.

“I see the way you look at him. I can literally see your eyes sparkle---” saad ni Conching.

“Tita---” simulang pananaway ni Andy kay Conching at itutuloy na sana ang pagkukuwento kung bakit sa tingin niya ay mali ang iniisip ng mas nakakatanda pero hindi na siya nakapagsalita sa mga sunod na sinabi ni Conching.

“He's good for you. You guys are good for each other.” pagtatapos ni Conching sabay kindat kay Andy at itinuon ang tingin kay Dale na malungkot na nakatingin sa dalampasigan.

“Just trust me on this, OK?” saad muli ni Conching sabay yakap sa kaniyang pamangkin nang makita niya ang pagaalangan sa mukha nito.

Saglit na tinignan ni Andy si Dale at pinagisipan maigi ang sinabi ng kaniyang tita Conching. Tila ba kinalabit si Dale nang maramdaman niyang nasa kaniya ang tingin ni Andy at agad niyang sinalubong ang tingin nito at nagbigay ng isang matipid na ngiti.

Hindi maintindihan ni Andy kung bakit pero tila may nagtulak din sa kaniya na ngumiti din. Nagtataka kung ito ba ang ibig sabihin ng kaniyang tita. Dahil sa malalim na iniisip ay hindi niya napansin ang pagbitiw ng yakap ni Conching sa kaniya at ang paglalakad nito papalapit kay Dale, nagbibigay ng sapat na layo sa kaniya upang hindi niya marinig ang pinaguusapan ng mga ito.

“You really like the ocean, do you?” nakangiting saad ni Conching kay Dale na walang nagawa kundi ang tumango bilang sagot sa tanong ng matanda sabay ibinalik muli ang tingin sa dagat.

“You are always welcome to come---” nakangiting saad ni Conching na siyang nagtulak dito na ibalik ang tingin sa matanda at nagtulak din kay Dale upang mapangiti pa lalo.

“---and bring Andy with you.” makahulugang saad ni Conching na muling nagtulak kay Dale na salubungin ang tingin ni Conching na kumindat lang sa kaniya at hinila siya upang yakapin din.

“Go get him.” bulong ni Conching habang nakayakap pa kay Dale.

Malaki ang pagkakangiti ni Dale nang sumakay na siya ng sasakyan at tumabi kay Andy na nakaupo na sa may passenger seat. Hindi parin niya magawang alisin ang ngiti na iyon kahit pa nagmamaneho na siya papalayo ng bahay ni Conching na talaga namang ikinataka ni Andy. Pabalik-balik mang alisin at ituon ang kaniyang pansin ay hindi parin naaalis sa mukha ni Dale ang matatamis na ngiting iyon.

“What did she tell you kaya ganyan kalaki ang ngiti mo?” naniningkit matang tanong ni Andy nang hindi na niya mapigilan ang sarili na magtanong lalo pa't nakakalayo na sila sa bahay ng kaniyang tita at nakaplaster parin sa mukha ni Dale ang ngiti.

“Wala naman.” lalong napangiting sagot ni Dale na lalong ikinakati ni Andy na malaman ang sinabi ng kaniyang tita dito.

“Ano nga?!” nangingiti na ding tanong ulit ni Andy.

“It's a secret.” sagot ni Dale sabay kindat kay Andy na ikinairita ng huli sabay nagbibirong sinuntok ang malaking braso ni Dale.

“Ano nga sabi kasi?” nangungulit na sabi ni Andy.

“Sabi niya lang na dapat daw pagbalik natin dun tayo na ulit.” binibirong saad ni Dale na ikinatameme saglit ni Andy.

Tinapunan ni Dale ng tingin saglit si Andy at nang makita niya ang namumulang pisngi na reaksyon ng huli ay wala siyang nagawa kundi ang mapatawa ng malakas.

“Sira ulo ka talaga.” umaarteng naiinis na saad ni Andy sabay iwas ng tingin kay Dale at tumingin sa labas ng bintana at dun pinigilan ang pagngiti.

000ooo000

“Why did you stop?” inaantok paring tanong ni Andy kay Dale nang magising siya nang maramdamang bumagal ang kanilang sinasakyan. Kinusot niya ang kaniyang mga mata at lumingon lingon.

“Parang may aksidente.” saad ni Dale sabay ihinahaba ang leeg upang makasilip ng konti.

Nang mapatapat na ang kanilang sasakyan sa lugar kung saan nangyari ang banggaan ng dalawang mamahaling sasakyan ay nagulat sila nang makita nila ang dalawang nagkakagulong grupo ng mga lalaki. Wala pang mga awtoridad sa paligid at di malayong may seryosong masaktan bago pa makarating ang mga ito.

Isang puting fortuner ang tila ba sadyang bumangga sa tagiliran ng isang itim na Montero sport, isang tingin pa lang, alam na na ang mga nakasakay sa puting fortuner ang mali sa dalawang grupo pero sa kabila noon ay tila pinili parin ng mga ito na magkagulo kesa pag-usapan ng maayos na lang ang nangyaring banggaan. Imbis na maayos na mga salita ang ibigay ng bawat isa ay palitan pa ng suntok ang sipa ang pinagsaluhan ng mga ito.

“Shit.” saad ni Dale nang makita ang mga nangyayari.

“We have to do something!” saad naman ni Andy sabay mabilis na kinalas ang kaniyang seat belt at binuksan ang pinto ng sasakyan.

“Andy, wait!” sigaw ni Dale habang akmang pipigilan si Andy sa paglabas ng sasakyan pero masyado itong mabilis.

Mabilis na ipinarada ni Dale ang kaniyang sasakyan sa gilid ng daan, sa sobrang bilis ay ilang sasakyan pa nga sa likod niya ang bumusina ng malakas dahil sa pagaakalang ikakanal pa ni Dale ang sasakyan. Nang maiparada na ang sasakyan at nang masigurong naka-lock ito ay agad na niyang tinungo ang kinaroroonan ni Andy na siyang sinusubukang paghiwalayin ang dalawang grupo.

“Stop!” sigaw ni Andy pero hindi siya pinapansin ng mga ito sa halip ay lalo pang naging madalas ang pagbabatuhan ng suntok at sipa sa pagitan ng mga ito.

“Eh mga gago pala kayo eh! Nakita niyong umo-over-take na kami dahil sa sobrang bagal niyo tapos bigla niyong bibilisan tapos kinabig niyo pa papunta samin yung sasakyan niyo!”

“Merong tricycle sa unahan namin kaya hindi kami makapagpatakbo ng mabilis tapos nung mag-o-overtake na ako saka kayo sumabay! Nag-signal naman ako ah!” sagot naman ng kabilang kampo habang nakikipagrambulan.

Pinilit ni Andy na pumagitna pero dahil may kalakihan din ang dalawang grupo na nagkakagulo, sa tuwing may hihilahin siya papalayo sa kasuntukan nito mula sa kabilang grupo ay mabilis lang itong bumabalik sa pakikipagsuntukan. Dalawa lang si Andy at Dale na umaawat at hindi nila kaya ang tig pito na dalawang grupo ng mga lalaki.

Kahit pa abala si Dale sa paga-awat sa mga nagsasapakang mga lalaki ay hindi niya parin inaalis ang tingin kay Andy. Nagaalala na baka matamaan ito ng isa sa mga mabibigat na suntok at malalakas na sipa mula sa dalawang grupo at kasabay nun ay alisto din siya sa mga maaaring tumama sa kaniyang suntok o kaya naman ay sipa.

Umuulan ng suntok, tadyak, siko at sipa. Kung ano-anong parte na ng katawan ang nahahawakan nila Andy at Dale sa kalituhan dulot ng pagkakagulo. Nakaikot lang sila at hindi naman ganun kadamihan pero pakiramdam nila ay nasa isa silang digmaan. Maliban sa mga suntok, tadyak, paniniko at sipa ay maingay din ang paligid dahil sa pagbabatuhan ng mura at sigawan mula sa magkabilang grupo.

Abala si Dale sa paghila sa isang lalaking na nagpapaulan ng suntok habang nakapangibabaw sa isa pang lalaki nang marinig niya ang kaniyang kinatatakutan. Agad na nag tense ang mga kalamnan ni Dale, nabingi sa bawat ingay at tanging boses lang ni Andy ang kaniyang naririnig, bumagal ang oras sa kaniyang paligid, biglang namigat ang kaniyang dibdib at bumilis ang pagtibok ng kaniyang puso dahil sa sobrang takot at pagaalala.

“Wag ka ngang pakielamero!” sigaw ng isang lalaki kay Andy pero hindi nagpakita ng takot si Andy. Pinanindigan niya ang kaniyang pag-a-awat sa mga nagkakagulong kalalakihan kahit pa ang iba dito ay mas malaki sa kaniya.

“Nagkakasakitan na kayo, sususnod nito baka magkapatayan na kayo!” balik ni Andy na wala man lang bahid ng takot o kaba sa kaniyang mga sinabi.

Saglit pang natahimik ang lalaking kasagutan ni Andy. Tila ba parang nahimasmasan sa katangahang kanilang ginagawa pero nang marinig niya ang pagsigaw dahil sa isang masakit na suntok na natamo ng kaniyang kasamahan ay muling binalot ng galit ang mga mata ng lalaki.

“Look! Sila naman ang nauna eh!” sigaw ng lalaki habang ipinapamukha kay Andy na maski ang kabilang grupo naman ay walang balak na tumigil sa pakikipagbasag-ulo.

“Hindi naman rason yun eh! Wag kayong magpakababa tulad nila. Nagkakasakitan na kayo!” sigaw ulit ni Andy, ipinaglalaban ang kaniyang gustong mangyari.

“Eh ano naman sayo kung nagkakasakitan na kami?! Hindi sila makausap ng maayos eh edi makipagsuntukan na lang! Gusto mo, idamay ka pa namin eh, masyado kang pakielamero!” sigaw ng lalaki na nauubos na ang pasensya sa pakikipagusap kay Andy kaya naman hinablot na nito ang kwelyo ni Andy at aaktong umaamba na dito.

Lahat ng ito ay hindi nakaligtas kay Dale. Agad niyang binitiwan ang lalaking kaniyang pinipigilan sa pagdagan sa lalaking kasuntukan nito at mabilis na lumapit sa kinatatayuan ni Andy. Tinadyakan niya mula sa likod ang lalaking naka-hawak sa kwelyo ni Andy, sa sobrang lakas ng pagkakatadyak ni Dale ay agad na nabitawan ng lalaki si Andy at napaupo pa ito sa sahig kasabay ng lalaking kanina lang ay mahigpit na nakahawak sa kwelyo ng huli.

Humarap si Dale kay Andy at lumapit dito saka inabot ang kamay upang tulungang tumayo ang huli pero tinignan lang ni Andy si Dale ng masama saka tumayo ng sarili, hindi tinatanggap ang alok ni Dale. Napangiwi si Dale sa ginawang ito ni Andy at kakausapin na sana ito na huwag ng makigulo pa doon at sumakay na muli sila sa sasakyan kaya't hindi niya napansin ang lalaking kanina lamang ay nagtatangkang manakit kay Andy sa kaniyang likuran.

“Gago ka ah!” sigaw ng lalaki na nagdulot kay Dale na mapaharap ng mabilis.

“Dale!” sigaw ni Andy nang makita niyang lumapat ang kamao ng lalaki sa panga ni Dale tatakbo na sana si Andy nang makita niyang ni hindi manlang napaupo sa lakas ng suntok si Dale sa halip nga na mapaupo ay agad itong bumawi at binato ng santok ang lalaki.

“Dale tama na!” sigaw nanaman ni Andy. Natatakot na baka makasakit pa si Dale nang dahil sa kaniyang kagagawan.

Nakita ni Andy kung panong bumagsak ang lalaking ngayon ay kasuntukan na ni Dale at kung pano pa lapitan ulit ito ni Dale at suntukin habang nakaupo na ito sa kalsada sabay harap kay Andy. Natigilan si Andy dahil ngayon niya lang nakita ang side na iyon ni Dale, maski siya ay natakot kaya naman hindi niya napigilang mapa-atras nang makita niyang papalapit ito sa kaniya.

000ooo000

Wala siyang maramdaman kundi galit.

Hinablot ni Dale ang braso ni Andy at sapilitan itong kinaladkad papalayo sa mga nagkakagulong lalaki. Ngayon, meron naring ibang mga tao na naglabasan mula sa kanilang mga sasakyan upang maki-awat kaya naman kampante na si Dale na huhupa na ang gulo dahil naririnig narin niya ang sirena ng mobile ng pulis na papalapit.

“Dale! Let go of me!” sigaw ni Andy pero hindi ito pinakinggan ni Dale nabibingi parin siya sa sobrang galit, patuloy lang ito sa pangangaladkad sa nauna at nang makalapit na sila sa sasakyan ay itinulak ni Dale si Andy pasandal sa kaniyang sasakyan at konorner ito gamit ang kaniyang malalaking braso.

Inangat ni Dale ang kaniyang kanang kamay na nagtulak kay Andy na ipikit ang kaniyang mga mata sa pagaakalang pagbubuhatan siya ni Dale ng kamay. Pero imbis na malakas na suntok ay marahang hinawakan ni Dale ang makinis na pisngi ni Andy na tila ba tinitignan kung may nagawa bang damage ang lalaking iyon sa kaniyang paburitong laruan.

Nagdilat ng mga mata si Andy at nakita niya na malapit na sa kaniyang mukha ang mukha ni Dale at natitigan niya ito ng maigi. Wala na ang galit sa mukha nito at muli na itong kumalma, ngayon hindi na galit ang bumabalot sa mukha nito kundi pagaalala. Kitang kita niya din ang pamumula ng pisngi nito na dulot ng malakas na suntok ng lalaking kanina lang ay kasuntukan nito.

Tila may kumurot sa puso ni Andy.

“Oh God—No!” saad ni Andy sa sarili nang maisip na iyon ang tingin na ibinibigay sa kaniya noon ni Dale.

Ang tingin na siyang nakapagpaibig sa kaniya.

Nasa ganitong pagiisip si Andy nang biglang suntukin ni Dale ang sariling kotse malapit sa mukha niya, umusod lamang siya ng ilang pulgada na lang sa kaniyang kanan ay baka wala na siyang ngipin ngayon. Nakukulong tuloy siya sa magkabilang malalaking braso ni Dale, katawan nito at ng kotse.

“Ang tigas tigas ng ulo mo! Pano kung napuruhan ka dun? Di mo manlang inisip na may nagaalala sayo ha?!” sigaw ni Dale na biglang humangos na miya mo ang sinabing iyon ay katumbas ng pagtakbo ng ilang kilometro.

“Di mo naisip na ako ang mananagot sa mga kapatid mo kung may nangyari sayo? Hindi mo na lang pinabayaan na magsapakan yung mga gago na iyon at kailangan mo pang makigulo? Parang hindi ka na nagisip?!” tuloy tuloy na sigaw ni Dale habang kinukulong parin si Andy sa kaniyang mga braso at habang humahangos sa pagitan ng mga salitang sinabi.

“Di mo manlang naisip na nagaalala ako sayo?!” sumbat pa ulit ni Dale na lalong nakapagpatameme kay Andy.

“Ano? Anong napala natin sa pagaawat dun sa mga hunghang na yun?!” sigaw ulit ni Dale habang itinuturo kay Andy ang dalawang grupo ng kalalakihan na inaawat ng mga pulis habang ang iba ay isinasakay na ng patrol upang dalhin sa prisinto.

“I-I was j-just trying to help!” nagmamatapang na saad ni Andy habang kinakabahang nakatingin sa mga kalalakihang kanina lamang ay sinubukan niyang tulungan.

“May naitulong ka ba---?” sarkastikong tanong ni Dale na ikinainis ni Andy ngunit hindi ito pinansin ng nauna na nagpatuloy lang sa pagsasalita.

“---saka sana inintay na lang natin yung mga pulis!”

“At intaying may masaktan?!” balik ni Andy.

“Meron parin namang nasaktan diba?”

“At least hindi ganun ka grabe!”

“Arrggghhhh! Bakit ba ang tigas tigas ng ulo mo?! Nangyayari naman talaga ang ganiyang pakikipagsapakan, Andy at hindi mo kailangan laging mangielam! Di mo ba naisip na baka nadamay pa tayo?” sigaw parin ni Dale habang kinukulong parin ang katawan ni Andy gamit ang sarili niyang katawan. Napatingin si Andy sa namumulang pisngi ni Dale at hindi mapigilang makonsensya pero nagmatigas parin siya.

“Hindi matigas ang ulo ko, ayaw ko lang may nakikitang nasasaktan! Saka ano bang problema mo edi sana hindi ka bumaba ng sasakyan!” balik ni Andy na ikinatameme ni Dale.

Nagtama ang tingin ng dalawa. Tila isinampal at isiniksik muli sa mga mata ni Dale ang pagaalala kay Andy at hindi ito nakaligtas sa huli. Ilang beses pang bumukas at sumara ang bibig ni Dale na tila may gusto pang sabihin at ilang emosyon pa ang rumehistro sa mukha nito bago pa maramdaman ni Andy ang malalambot nitong mga labi sa kaniyang mga labi.

Hindi niya magawang itulak papalayo si Dale sa kaniya upang putulin ang halikan na iyon dahil nababalot parin siya ng gulat at dahil narin tila ba nanghina siya matapos makipagrambulan at makipagtalo kay Dale at pilit iwinawaglit sa kaniyang isip na kaya hindi niya rin pinipigilan si Dale ay dahil gusto niya rin ang nangyayari.

Wala sa sariling napasandal si Andy sa katawan ni Dale. Nagtama ang kanilang mga dibdib at tila ba ginawang pundasyon ni Andy ang malaking katawan ni Dale.

Mainit din ang halikan na iyon. Puno ng pananabik. Puno ng emosyon.

“Da--” simula ni Andy sabay tulak ng marahan kay Dale upang pigilan sana ito pero iyon ang kinuwang oportunidad ni Dale upang ipasok ang kaniyang dila sa mga labi ni Andy at lalong naging mapusok ang halikan na iyon.

Hindi nagtagal at nadala nadin ng iba't ibang emosyon na hatid ng halikan na iyon si Andy. Dahan-dahang ipinikit ni Andy ang kaniyang mga mata pero hindi pa man nagtatagal sa pagkakapikit ang mga iyon ay agad nang naramdaman ni Andy ang paghiwalay ng mga labi ni Dale mula sa kaniyang mga labi. Kung anong nakakagulat at bilis ng pagdampi ng mga labi kanina ni Dale sa kaniyang mga labi ay siya ring nakakagulat at bilis na pagbawi nito mula sa kaniyang mga labi na para bang nakakakuryente ang kaniyang mga labi.

Mabilis na binuksan ni Andy ang kaniyang mga mata upang malaman kung bakit naputol ang halikan na iyon at ang tensyonado paring likod ni Dale na nagsisimula ng maglakad paikot ng sasakyan at papasok sa may driver's seat na may binubulong na tanging mga salitang “selfish” at “asshole” ang naintindihan ni Andy.

Naguluhan tuloy si Andy kung totoo bang nangyari ang halikan sa pagitan nila ni Dale o nananaginip lang siya. Narinig ni Andy ang pagsara ng pinto sa side ng driver na siyang gumising sa kaniyang malalim na pagiisip.

“Are you just going to stand there or are we going?” mainit paring saad ni Dale na siyang ikinailing na lang ni Andy.

Sumakay si Andy at naramdaman niya ang lalong pagtetense ng katawan ni Dale nang tumabi na siya dito na ikinairap na lang niya at itinuon na lang ang pansin malayo kay Dale. Nagtataka parin sa ikinikilos nito.

Sa labas ng kaniyang bintana ay kitang kita niya ang mga pinaghuhuhuling mga lalaki na may ilang namumulang pisngi at mata at ilan din mga basag na labi.

Itutuloy...

Breaking Boundaries 2

[chapter 15]

by: Migs