Saturday, January 23, 2016

Halaga 3

DISCLAIMER: The following is a work of fiction. Any similarities to any written works and any person, living or dead are purely coincidental. The story is intended for a mature audience. It may contain profanity and references to gay sex. If this offends you, please leave and find something more suitable to read. The author maintains all rights to the story. Do not copy or use without written permission. Email the author at miguisalvador@yahoo.com for comments, suggestions and violent reactions in pertaining to this blog and the stories that comes along with it.


Nagulat na lang ako nang biglang may kumalabog sa aking tabi, tinignan ko ang sanhi nito at nakita ko ang nakakunot noo at nakangusong gwapong mukha ni Baste. Ilang araw na kaming magkasama ni Baste sa dorm na iyon, hindi ko alam kung bakit dito nagsusumiksik si kumag gayong meron namang apartment ang kanilang pamilya dito sa Maynila kaya naman tulad ng inaasahan ay disaster ang ilang araw na iyon na magkasama kaming dalawa.


What?!” tanong ko dito nang makita na ang mga malalaking kamay ni Baste na humampas sa kahoy na lamesa ang dahilan ng kalabog na iyon.

Why the hell can't you stop french kissing your phone?!” singhal nito sabay nguso at iling ulit.


I was not french kissing my phone!”


Yes you were! At kung hindi pa kita pinigilan baka kinant---”


Baste!” saway ko sa bastos na bibig nito.


Whatever! Are we going to shoot some hoops or what?” iritableng tanong nito. Nagpakawala ako ng isang malalim na buntong hininga at tumango na lang.


000ooo000


What the fuck?!” singhal ko nang tumalbog sa malapad kong noo ang bola. Tinignan ko ng masama si Baste na humahagikgik lang.


Asshole.” singhal ko ulit habang hinihimas ang aking noo.


What?! You were not paying attention---”


Kaya drinibol mo yung bola sa noo ko?!” singhal ko ulit dito. Sumeryoso na ang mukha nito marahil nang makita na naiinis na ako.


Sino ba kasi yang katext mo?” tanong nito sabay lapit sakin at sinubukang agawin ang telepono mula sa aking mga kamay pinindot ko ang lock button bago pa man niya ito maagaw. Nakasungalngal man ang kanang kamay ko sa pagmumukha ng loko at kahit nakatodo stretch na ang aking kaliwang kamay ay naabot parin ng mahahaba niyang mga kamay ang aking telepono matapos ang ilang minuto na paghagikgik nito habang alam niyang nahihirapan ako.


You changed your password?!”


Kaya nga password eh. Ako lang dapat ang nakakaalam!” nakangisi kong saad dito nang sa ilang beses ay hindi niya nabuksan ang telepono ko.


Wow. More and more secrets, huh?” malungkot na saad ni Baste sa kabila ng pagngisi nito. Alam nito marahil na kahit pa nakangisi siya ay nababasa ko parin ang totoo niyang nararamdaman kaya siya sabay na tumingin sa ibang lugar para maitago ito sa akin.


Tila may pumitik sa aking dibdib at napuno ng hangin ang aking tiyan. Napuno nanaman ng pangongonsensya sa sarili ang aking isip. Hindi nanaman ako nagiging isang mabuting best friend para kay Baste, nabura na ng tuluyan ang aming pangako sa isa't isa na wala kaming isesekreto sa isa't isa.


Baste---” simula kong pang aalo kay loko pero agad na naman itong ngumiti na parang walang nangyari.


Anyway, di na ako magugulat pa.” saad nito sabay lakad palayo. Alam kong masama padin ang loob nito pero hindi ko pa kayang sabihin sa kaniya kung sino ang katext ko at kung ano ang nangyayari na sakin ngayon pero hindi ko rin naman hahayaan na tuluyan ng magkalamat ang aming pagkakaibigan.


Sasabihin ko sayo lahat when I'm ready.”


Pssshhh!” saad nanaman nito sabay lakad muli palayo. Nainis ako. Ngayon lang ako inisnab-isnab ni Baste.


Baste!” sigaw ko sabay abot ng bola at binato sa direksyon nito. Dahil nga isang napakagaling na basketball player ni Baste ay walang kahirap hirap niyang sinalo ang bola. Ngumisi ito.


Yan lang ba ang kaya mo?”


Warm up pa lang yan.” ngisi ko dito.


Matapos ang kalahating oras ay hingal na hingal na ako at si Baste ay iinat inat lang. Inirapan ko ito na ikinahagikgik niya lang. Nagflex nanaman ito ng kaniyang mga biceps na lagi niyang ibinibida sa tuwing natatalo ako nito sa basketball. Hindi ko alam kung bakit pero nakaramdam ako ng pamilyar na pakiramdam ng pamimigat ng tiyan.


Whatever.” saad ko dito na ikinahagalpak nito ng tawa.


Always the sore loser.” saad nanaman nito matapos makabawi sa sobrang tawa.


Bakit ba kasi pumunta ka pa dito. Akala ko ba isang taon ka pang matutulog?!” pangaalaska ko dito.


Naisip ko kasi na di ko dapat palagpasin ang one year worth of hot girls dito. Sayang naman kung sosolohin mo lang eh.” mahangin parin nitong saad na ikinailing ko na lang.


I'm gay, Baste. Di ko kailangan yang mga hot girls mo na yan.” saad ko sabay dampot sa bola at naglakad na pabalik ng dorm habang sumusunod sakin si kumag.


Psshhh! Di mo palang kasi napapanood yung porn---”


BASTE!”


What?!”


Hanggang makabalik kami sa dorm namin ay wala paring tigil ang ganito naming bangayan. Tingin ko ay nasanay nadin ang mga kasama namin sa building na iyon dahil hindi narin kami pinapansin ng mga ito, ni hindi na nga kami binabato ng tingin. Hindi narin naeeskandalo ang mga ito sa tuwing pabiro kaming nagsusuntukan ni Baste dahil siguro para sa kanila ay likas na magaslaw lang kami na parang dalawang magkapatid na lalaki na hindi nagkakalayo ng edad.


Where are you going?” tanong ni Baste sakin habang ngumunguya pa ng malamig na pizza.


I'm going out.” matipid na sagot ko dito. Tumaas ang kilay nito at nagpatuloy lang sa pagnguya. Tumalikod ako mula dito at inayos ang aking sarili sa harap ng salamin. Kita ko sa salamin na saakin parin ito nakatingin at pinagmamasdan ang aking ginagawa.


Please don't ask me kung sino ang kasama ko.”


You look like a cheap male prostitute.” saad nito habang may tumatalsik-talsik pang piraso ng pizza mula sa bibig nito.


What the fu---” simula ko sabay bato ng pinakamalapit na bagay na maabot ko na nangyari namang ang lalagyan ng wax ko para sa buhok. Nakita kong tinamaan si loko sa noo nito. Nagmura ito ng malakas habang sapo sapo ang noo.


That hurts!” sigaw nito sabay takbo papalapit sakin.


Dahil sa malaking mama si Baste ay ilang hakbang lang ay mahigpit na nitong hawak ang dalawa kong kamay at pilit itong hinila sa aking likuran. Alam niyang mahihirapan akong makawala sa ganung pusisyon kaya hilig niya itong gawin sa tuwing gusto niya akong kotongan o kaya gantihan.


You're going to pay for that!” saad nito sabay ngisi. Hindi ko mapigilang mapahagalpak sa tawa nang makita kong namumukol na ang noo ni kumag. Pero agad akong napatigil sa kakatawa nang makita ko ang nakakalokong ngisi nito.


Binuhat ako nito papunta sa sofa at ihiniga duon. Agad itong umupo sa aking tiyan at inipit ako ng dalawa niyang dambuhalang hita para hindi ako makabangon sabay kiniliti ang magkabila kong tagiliran.


Sabihin mo na ako ang pinakagwapo sa balat ng lupa!” saad niya sabay tigil sa pangingiliti.


Ayoko!” saad ko nang makabawi sa sobrang pagtawa.


Ah ganun ha!” saad niya ulit sabay kiniliti ulit ang magkabila kong tagiliran. Pero hindi pa nagkasya dun ang loko at bigla niyang inilapit ang kaniyang mukha sa aking leeg. Napahiyaw ako sa ginawang ito ni Baste. Madalas niya itong gawin dati noon sa tuwing magkikilitian kami pero simula nung tumungtong na kami sa puberty ay hindi na niya ito ginawa, ngayon na lang ulit.


Baste! Sige na ikaw na ang pinakagwapo sa balat ng lupa!” sigaw ko na agad namang ikinatigil ng kumag. Napatitig ako kay Baste at nagtama ang aming mga tingin. Tila ba bumabalik ang lahat ng kinain ko nuong araw na iyon mula sa aking sikmura. Naramdaman ko ang dahan dahang pagluwag ng pagkakahawak sakin nito kaya naman mabilis akong nagpumiglas para makawala sa pagkakadagan din nito.


Yun naman pala sasabihin mo rin naman pala eh!” nakangisi nitong balik. Agad kong hinatak ang magkabila kong kamay at mabilis kong pinahiran ang aking nangingilid na luha sa sobrang pagtawa at nang muli kong ibaling kay Baste ang aking tingin. Nakangiti parin ito pero nakakunot ang noo na tila ba may napansin siyang katakataka.



Hindi ko na ito pinansin at tumayo na mula sa sofa at naglakad papunta ulit sa harapan ng salamin. Inayos ko ulit ang aking sarili. Di ko maiwasang mapansin na sakin muli nakatingin si Baste at ngumunguya nanaman ito ng lumang pizza.


Pero seriously Nics, palitan mo yang suot mo. Mukha kang easy to get.” seryoso nitong saad nang makita niyang nahuli ko siyang nakatingin sakin saka mabilis na humarap ulit sa TV at doon na ipinako ang kaniyang tingin.


000ooo000


Two hours. Dalawang oras na ako na nakatanga doon sa loob ng restaurant na iyon kung saan namin napagusapan ni Gab na magde-date. Tinawagan ko siya, mukhang nakalimutan niya nga na magkikita kaming dalawa pero naiintindihan ko rin kung bakit, binabalanse ni Gab ang kaniyang scholarship sa paglalaro ng basketball at sa pagaaral mabuti kaya hindi nakapagtataka na ang extra curricular activities gaya ng pakikipagdate ay mawaglit sa isip niya.


Sorry--” saad ni Gab na ikinagising ko sa pagiisip. Agad nalusaw ang pagkainis ko dito at lalo kong nilaliman ang pagintindi sa nangyari nang makita ko itong humahangos, pawisan pa at naka jersey padin, walang duda na galing sa basketball practice madami din itong dalang libro at notebook.


Hindi ko din mapigilang mapansin ang tingin samin ng halos lahat ng nasa loob ng restaurant. Alam kong sikat si Gab sa buong unibersidad pero hindi ko inasahan na ganun siya kasikat. Nakita ko pa ang mapanuring tingin sakin ng isang grupo ng babae sa hindi kalayuan, grupo ng babae na hindi naman ako pinapansin noong hindi pa dumadating si Gab.


I was caught up with basketball practice and remedial classes.” pagod at nahihiya nitong habol agad akong nakaramdam ng pangongonsensya sa sarili.


I-it's OK.” saad ko sabay tawag sa waiter para umorder.


What the fuck do you mean it's OK?! Pinagintay ka niya ng dalawang oras!” saad ng boses sa aking isip na hindi malayong sabihin ni Baste sa totoong buhay. Agad akong umiling upang burahin ang naisip na iyon.


I mean it's just two hours. Tignan mo naman siya oh, pagod na pagod---gwapo pero pagod na pagod. Saka nag effort naman siya saka nagsorry eh.” bida ko sa aking sariling isip.

Hindi ka padin kumain?” tanong nito nang mapansin niyang umorder din ako.


Inintay kita eh.” nahihiya kong saad dito na ikinalaki naman ng ngiti nito sabay abot sa aking kamay at pinisil ito. Agad kong ibinaling ang aking tingin sa mga tao sa paligid, wala ng nakatingin samin maliban dun sa isa sa grupo ng babae sa hindi kalayuan.


Una kong nakita ang galit sa mukha nito pagkatapos ay lungkot at binawi niya ang kaniyang tingin na umiiling. Hindi ko na ito pinansin at ibinaling na lang ang aking pansin kay Gab na abala sa pagtetext habang nakakunot ang noo. Hindi ko mapigilang mapangiti. Tingin ko ay kahit gaano papangitin ni Gab ang kaniyang sarili ay Nakita ko ang mga libro na nakahain sa unahan nito.


You're taking remedials for algebra?” tanong ko ulit dito. Tila naguluhan pa ito saglit saka nahihiyang tumango tango.


Want me to help you with that?”


000ooo000


Where the hell have you been?!” sigaw ni Baste na halos ikalaglag ng puso at baga ko sa sobrang gulat.


Wag kang maingay baste baka marinig ng mga kapitbahay anong oras na oh!” pabulong kong singhal dito.


Exactly! Anong oras na pero ngayon ka lang umuwi.” di ko na ito pinansin at nagtuloy tuloy na ako sa aking kwarto.


Di mo ba inisip na ako ang sisisihin ng nanay mo kapag may nangyari na masama sayo?!” singhal nito pabalik sakin.


Wala ka manlang text. Wala ka manlang tawag. Mababaliw na ako dito kakaintay at kakaisip kung ano nangyari sayo---” agad siyang natigilan nang bigla ko siyang yakapin ng mahigpit.


Thank you.” nangingiti-ngiti kong saad dito, nagiingat na hindi niya marinig sa aking tono na ginawa ko lang iyon para matahimik siya at matapos na ang kaniyang pinaglalaban.


It's just that your mom is going to kill me if something happened---” saad nito nang humakbang na ako palayo dito at pilit na sumeryoso.


She's not going to kill you. Mas mahal ka pa nun kesa sakin eh.” nakangiti kong saad dito, hindi ko mapigilang isipin na nagtagumpay ako.


Well you're right--- but still. Next time please text me.” saad nito habang sinasaran ko ang pinto ng kwarto ko.


Sure.” nakangiti kong saad habang nakatalikod dito. Iniisip ko na may bago akong technique para tigilan ako ni kumag sa pangungulit.


000ooo000


Why do you have so many things to do? Bakit andami mong homework eh halos puro orientation pa lang naman this week?” taas kilay at nangungunot noo na tanong sakin ni Baste, hindi niya alam na mga assignment ni Gab ang ginagawa.


Bakit ka nangengeelam edi gawin mo yung sayo.”


Wala akong gagawin. Saka nakaschedule tayo ngayon maglaro ng basketball.” saad nito sabay nguso at namimilog ang mata na parang bata na nagmamakaawa na bigyan siya ng candy.


Oh edi hayaan mo akong magisa para matapos ko na ito para makapagbasketball na tayo.” mainit kong balik dito. Lalong namilog ang mata nito at lalong humaba ang nguso. Indikasyon na nagsisimula na itong magtampo.


Fine.” ang sabi nito na siyang indikasyon an tuluyan na itong nagtampo.


Fuck.” saad ko sabay tayo at dinampot ang bola.


Halika na nga maglaro na tayo!” singhal ko dito pero hind narin nagtagal ang inis ko dito nang makita ko ito na parang aso na excited na ipasyal siya ng kaniyang mga amo. Halos magtatalon na ito at patakbo na itong lumabas nang aming dorm.


Napabuntong hininga na lang ako. Iniisip na hindi ko rin kayang tiisin ang utak fetus na sa Baste. Tila ilang araw na kinimkim ni Baste ang kaniyang kagustuhan na maglaro ng basketball kaya naman extra energetic ito, extra maharot at extra epal. Halos lahat ng tira ko ay sinusupalpal nito at kapag nagtagumpay siya sa pagsupalpal sakin ay magpopose pa ito na miya mo body builder na ikinakainis ko dahil kumukuwa na ito ng pansin lalo na sa mga babae na nakatira din sa mga kalapit na dorm.


Anak ng!” saad ko nang supalpalin nanaman ni Baste ang tira ko, sa sobrang lakas ng pagkakasupalpal nito sakin ay tumalbog ang bola sa backboard at tumalsik ito medyo malayo sa court.


Go on. Fetch the ball.” nakangisi nitong saad sakin. Inirapan ko na lang ito at pagod na sinundan ang bola.


Tumigil ito sa paanan ng isang babae na naka highheels. Dahan dahan itong dinampot ng babae na namukhaan kong ang babae na nakita kong umiiling noong nagdate kami ni Gab. Hinanda ko na ang aking speech sa panlalait nitong sasabihin tungkol sa mga bakla na katulad ko pero nagulat ako nang makita na wala kahit na anong bakas ng inis o kaya galit sa mukha nito.


Thank you.” ang tangi kong nasabi nang ibigay nito ang bola sakin. Naglalakad na sana ako pabalik sa basketball court nang bigla itong nagsalita.


Get away from Gab---”


Excuse me?” saad ko, iniisip na eto na ang iniintay kong panlalait mula sa babaeng ito. Pero hindi parin galit ang nakita ko sa mukha nito nang muli kong masilayan ang mukha nito kundi pagaalala ang nakita ko sa mukha nito. Pero alam kong mapagpanggap ang demonyo kaya naman hindi ako nagpadala sa pagaalang iyon na nakaplaster sa mukha nito.


I don't care if you're gay. Basta layuan mo si Gab. He is bad news.” saad nito sabay talikod at naglakad na palayo sakin. Malalim ang iniisip ko na bumalik sa court kung saan nagpopopose parin ang kumag na si Baste pero ngayon ay may mga babae na nakapalibot dito at pinipisil pisil ang malalaki ngitong muscle.


Nanlaki ang butas ng ilong ko sa sobrang ka-epalan ng kumag. Nakalimutan ko na ang inis ko sa babaeng kakatapos ko lang makausap at napalitan iyon ng sobrang pagkakaeskandalo sa ginagawang kaepalan na iyon ni Baste kaya naman buong lakas kong binato ang bola dito.


Sapul ito sa ulo na ikinairit ng mga babae sa paligid nito. Agad akong napangisi, tuluyan nang nawaglit sa isip ko ang magandang babae na kausap ko lang kanina at hinada ko nanaman ang sarili ko sa pakikipagbayangan kay Baste. Dahan dahan itong humarap sakin. Naniningkit ang mata na tila ba nagsasabing iyon na ang huling araw ko sa mundo.



Itutuloy...


Halaga 3
by: Migs

6 comments:

  1. Hey guys sorry late post! Salamat sa patuloy na pagsuporta! I love you all! :-*

    ReplyDelete
    Replies
    1. Oks lang yun migs bsta wag ka lang susuko sa pagsulat. Dii kami mghihintay

      Delete
  2. I like the flow. Mukhang bad news nga si Gab.
    Cant wait for the next part. Thanks kuya migs.

    --ANDY

    ReplyDelete
  3. Another nice narrative.. Baste is getting jealous.. Please don't break his heart.. Please make them grow in love with each other.. :-)

    ReplyDelete
  4. Loving this New Story Migz. I've been a silent reader for sometime now. But promise. I will be active na ulet. You deserve that. You've been always there for us... for me! Ingat ka Migz.

    ReplyDelete
  5. On a roll na sir Migs! Ka abang abang talaga.

    -Neb

    ReplyDelete